Bütün xəbərlər
Finlandiya Rusiya ilə sərhəddə daha üç keçid məntəqəsini müvəqqəti bağlayıb
Tarix: 24-11-2023 07:31 | Bölmə: Karusel

Finlandiya hakimiyyəti ölkənin şimal-şərqində üç nəzarət-buraxılış məntəqəsinin - Vartius, Kuusamo və Sallanın fəaliyyətini müvəqqəti dayandırıb.

Sabaha-inamla.az rus mətbuatına istinadən xəbər verir ki, bu barədə Finlandiya sərhəd mühafizəsi məlumat yayıb.
Hökumət bu qərara ehtiyacı insanların Rusiya Federasiyası ilə sərhəddəki keçid məntəqələri vasitəsilə ölkəyə nəzarətsiz gəlməsi ilə izah edib.
Noyabrın 18-də Finlandiya ölkənin cənub-şərqində dörd nəzarət-buraxılış məntəqəsini - Vaalimaa, İmatra, Niirala və Nuijamaa-nı bağlayıb. RİA Novosti xəbər verir ki, bütün yeddi məntəqə bu ilin dekabrın 23-dək işləməyəcək.
Finlandiya Sərhəd Mühafizəsinin hesabatında qeyd olunur ki, son vaxtlar şərq sərhədindən Finlandiyaya qeyri-qanuni giriş xeyli artıb. Vəziyyət beynəlxalq cinayətlə bağlıdır və qeyri-qanuni giriş mütəşəkkil xarakter daşıyır. Məhz buna görə də ölkə hökuməti noyabrın 24-dən daha çox keçid məntəqəsini bağlayaraq şərq sərhədindən girişi məhdudlaşdırmaq qərarına gəlib.
Hazırda Raja-Jooseppi-Lotta keçid məntəqəsi Finlandiya, Rusiya və Avropa İttifaqı arasında quru sərhədi keçən yeganə sərhəd keçid məntəqəsi olaraq qalır. Bu keçid məntəqəsinin Finlandiya hissəsi bazar ertəsindən bazar gününə kimi saat 10:00-dan 14:00-dək açıqdır.


Baxış sayı: 70


Bölməyə aid digər xəbərlər
28-02-2024, 16:13 Papa klinikaya gedib
28-02-2024, 09:43 İki tikili yanır