Bütün xəbərlər
Ukrayna Silahlı Qüvvələri Qorlovkaya kütləvi raket hücumu həyata keçirib
Tarix: 01-06-2023 22:41 | Bölmə: Karusel


Cümə axşamı axşam saatlarında Ukrayna Silahlı Qüvvələri tərəfindən Donetsk Qorlovkasına azı 7 zərbə endirilib.
Sabaha-inamla.az rus mətbuatına istinadən xəbər verir ki, onlardan biri zamanı ukraynalı yaraqlılar çoxsaylı reaktiv raket sistemindən şəhərə 20 raket atıblar.
DXR-in Birgə Nəzarət və Koordinasiya Mərkəzindəki Nümayəndəliyinin məlumatına görə, iyunun 1-də saat 18:00-dan sonra ukraynalı millətçilər Qorlovkanın Nikitovski və Mərkəzi Şəhər rayonlarını azı 7 dəfə atəşə tutublar.
Qorlovka meri İvan Prixodkonun sözlərinə görə, hücumların birində Ukrayna mərmisi yaşayış binasının divarını yarıb və mənzilə dəyib. Zərərçəkənlər barədə məlumat dəqiqləşdirilir. Bundan iki saat sonra Ukrayna Silahlı Qüvvələrinin növbəti zərbəsi zamanı bir mülki şəxs yaralanıb. Sonradan məlum olub ki, həmin şəxs ölüb.
Saat 20:50-də şəhərə 20 raket atılıb. İlkin məlumatlara görə, zərbələr Pobedı prospektində yerləşən çoxmərtəbəli yaşayış binasında qeydə alınıb. Kolesniçenko küçəsindəki bir çox evlərdə partlayış dalğası nəticəsində pəncərələrin şüşələri sıradan çıxıb. Yanğın halları var. Atışmanın fəsadları ilə bağlı məlumatlar gəlməkdə davam edir.


Baxış sayı: 72


Bölməyə aid digər xəbərlər