Bütün xəbərlər
Sumqayıtda natiqlik dərslərinin növbəti qrupuna yekun vuruldu
Tarix: 25-11-2022 20:34 | Bölmə: Karusel

Azərbaycan Respublikası Elm və Təhsil Nazirliyi Təhsildə İnkişaf və İnnovasiyalar üzrə VI qrant müsabiqəsində qalib olan, Nazirliyin maliyyə, Sumqayıt şəhər Gənclər və İdman Baş İdarəsi və Abşeron-Xızı Regional Təhsil İdarəsinin təşkilati dəstəyi ilə icra olunan “Şagird Diksiya klubu” layihəsi çərçivəsində 16, 18, 25 noyabr 2022-ci il tarixlərində Sumqayıt şəhər 14 saylı tam orta məktəbdə IV qrup şagirdlərin interaktiv seminarları və praktik məşğələ keçirilmişdir.
Sumqayıt şəhər Gənclər və İdman Baş İdarəsindən Sabaha-inamla.az-a verilən məlumata görə  layihənin məqsədi şagirdlərin düzgün nitq qabiliyyətini inkişaf etdirmək, qeyri-verbal ünsiyyət vasitələri və natiqlik sənəti haqqında maarifləndirmək, aydın və səlis ünsiyyət qurma, fikir çatdırma vərdişlərini formalaşdırmaqdır.
Təlimdə politoloq, gənc natiq Əli Miriyev tərəfindən bədən dili və natiqlik sənəti ilə bağlı əsas biliklər iştirakçılara çatdırılmış, nitq mədəniyyətinin önəmi, ifadəlilik bacarığı, aydın tələffüs üsulları haqqında elektron təqdimat materiallar nümayiş etdirilmişdir.
Qeyd olundu ki, növbəti qrupun seminarlarının dekabr ayının 09, 16, 23-ü tarixlərində keçirilməsi nəzərədə tutulur.

Sabaha-inamla.az






Baxış sayı: 62


Bölməyə aid digər xəbərlər