Bütün xəbərlər
“Qarabağ” “Real”la eyni siyahıda
Tarix: 19-09-2022 23:51 | Bölmə: Karusel

                      “Qarabağ” “Real”la eyni siyahıda


Cari mövsümdə Avropada yerli çempionatlarda keçirdiyi bütün oyunlarda qələbə qazanan komandalar məlum olub.
“Qafqazinfo” xəbər verir ki, 15 yenilməz klubun olduğu siyahıda “Qarabağ”ın da adı var.
“Köhlən atlar” Azərbaycan Premyer Liqasında keçirdiyi 6 oyunun hamısında meydanı 3 xalla tərk edib. Komandanın 3-cü turda “Turan Tovuz”la matçı noyabrın 9-na təxirə salınıb.
“Böyük beşlik” ölkələrində yalnız “Real” İspaniya La Liqasındakı 6 oyunun hamısında qalib gəlib.
Belçikada “Antverpen” (9), Şimali Makedoniyada “Struqa”, Portuqaliyada “Benfika” (7), Lüksemburqda “Düdelanj” (7), Macarıstanda “Ferentsvaroş” (6), Yunanıstanda “Panatinaikos” (5), Maltada “Birkirkara” və “Hamrun” (hər ikisi 4), Ukraynada “Dnepr-1” (3), San Marinoda “Pennarossa”, “Kosmos” və “Fiorita”, Andorrada isə “İnter Eskaldes” (2) çempionatdakı bütün oyunlarını qələbə ilə başa vurub.


Baxış sayı: 65


Bölməyə aid digər xəbərlər