Bütün xəbərlər
Eldar Həsənova hökm oxundu
Tarix: 21-01-2022 20:28 | Bölmə: Karusel

                   Eldar Həsənova hökm oxundu


Bakı Ağır Cinayətlər Məhkəməsində Azərbaycanın keçmiş Baş prokuroru Eldar Həsənova hökm oxunub.
"Qafqazinfo" xəbər verir ki, hakim Əfqan Hacıyevin sədrliyi, Amil Ağalının katibliyi ilə keçirilən prosesdə hökmə əsasən, E.Həsənov 10 il müddətinə azadlıqdan məhrum edilib.
İttihama görə, Eldar Həsənov Azərbaycanın Rumıniya, Serbiya, Bosniya və Herseqovina və Monteneqroda fövqəladə və səlahiyyətli səfiri kimi fəaliyyət göstərdiyi 2010-2020-ci illərdə 17.931.316 manat pul vəsaitini səfirliklər üçün yeni inzibati binaların alınması, habelə təmir-tikinti işləri ilə əlaqədar israf edib və mənimsəyib.
O, həmçinin cinayət yolu ilə əldə edildiyini bilə-bilə 11.804.661 manat məbləğində pulu leqallaşdırmaqda, rəsmi sənədlərə bilə-bilə yalan məlumatlar daxil edərək vəzifə saxtakarlığı törətməkdə, vəzifə səlahiyyətlərindən sui-istifadə etməklə dövlətin qanunla qorunan mənafelərinə ağır nəticələrə səbəb olan 327.373 manat zərər vurmaqda və dövlət büdcəsinin 192.387 manat pulundan təyinatı üzrə istifadə etməməkdə ittiham edilir.


Baxış sayı: 152


Bölməyə aid digər xəbərlər