19:48 / 19-05-2022
Yoluxanların sayı artdı
Üç rayonda qoyun oğurlayanlar saxlanıldı
Tarix: 21-01-2022 13:48 | Bölmə: Karusel

                     Üç rayonda qoyun oğurlayanlar saxlanıldı



Abşeron, Salyan və Kürdəmir rayonlarında 50-dən artıq xırdabuynuzlu heyvan oğurlayan 3 nəfər saxlanılıb.
DİN Mətbuat xidmətindən “Qafqazinfo”ya verilən məlumata görə, Abşeron rayonu Qobustan kənd sakininin evinin həyətindəki tövlədən ötən ilin dekabrın 30-da 23 baş xırdabuynuzlu heyvan oğurlanıb.
Qobu Polis Bölməsinin əməkdaşları tərəfindən hadisəni törətməkdə şübhəli bilinən Ağsu rayon sakini Babək Bəyalıyev, Şamaxı rayon sakinləri Vüsal Şıxalıyev və Ramin Ağamalıyev saxlanılıblar. Onlar ifadələrində oğurladıqları xırdabuynuzlu heyvanları Ramin Ağamalıyevə məxsus yük avtomobili ilə Bərdə rayonuna apardıqlarını və orada satdıqlarını bildiriblər.
Bu şəxslərin ətrafında əlavə araşdırma aparılan zaman onların bir müddət əvvəl Kürdəmir və Salyan rayonlarında ümumilikdə 30-dan artıq xırdabuynuzlu heyvan oğurladıqları da müəyyən edilib.
Qeyd edək ki, saxlanılan şəxslərdən ikisi - Vüsal Şıxalıyev və Babək Bəyalıyev əvvəllər də xırda və iribuynuzlu heyvan oğurluğu ilə məşğul olduqları üçün  məhkum ediliblər.
Aşkar edilən faktlarla bağlı Qobu Polis Bölməsində toplanan materiallar Abşeron Rayon Polis İdarəsinin İstintaq Şöbəsinə göndərilib. Saxlanılan şəxslərin ətrafında əməliyyat-istintaq tədbirləri davam etdirilir.


Baxış sayı: 50


Bölməyə aid digər xəbərlər
19-05-2022, 19:48 Yoluxanların sayı artdı