19:48 / 19-05-2022
Yoluxanların sayı artdı
Azərbaycanlı tələbə Rusiyada qətlə yetirildi - Fotolar
Tarix: 20-01-2022 23:18 | Bölmə: Karusel

                     Azərbaycanlı tələbə Rusiyada qətlə yetirildi


Azərbaycanlı gənc Rusiyada qətlə yetirilib.
“Qafqazinfo” APA-ya istinadən xəbər verir ki, hadisə Yaroslavl şəhərində baş verib.
Rusiya vətəndaşı, 10 il məhkumluq həyatı yaşamış şəxs spirtli içki qəbul edərək küçədə azərbaycanlı gənc, 2002-ci il təvəllüdlü Rəhimov Məhəmməd Zöhrab oğluna yaxınlaşaraq ondan pul tələb edib.
Aralarında yaranan mübahisə zamanı adı hələ ki, bilinməyən, rus milliyyətindən olan şəxs üzərində gəzdirdiyi bıçaqla qəflətən Məhəmməd Rəhimova xəsarət yetirib. O, ağır vəziyyətdə xəstəxanaya aparılsa da, dünyasını dəyişib.
Yaroslavl şəhərindəki ali məktəblərdən birinin tələbəsi olan 20 yaşlı Məhəmməd Rəhimovun meyiti bu gün Göyçay şəhərinə gətirilərək dəfn edilib.
Qeyd edək ki, Məhəmməd Rəhimov Göyçay şəhər Bələdiyyəsinin sədri Cavid Rəhimovun qardaşı oğludur.
Faktla bağlı Rusiyanın hüquq-mühafizə orqanları tərəfindən araşdırma aparılır.







Baxış sayı: 50


Bölməyə aid digər xəbərlər
19-05-2022, 19:48 Yoluxanların sayı artdı