19:48 / 19-05-2022
Yoluxanların sayı artdı
Əlizamin Salayev amnistiyaya düşüb
Tarix: 19-01-2022 21:59 | Bölmə: Karusel

                  Əlizamin Salayev amnistiyaya düşüb


Xalq Cəbhəsi Partiyasının (AXCP) həbsdə olan üzvü Əlizamin Salayev azadlığa buraxılıb.
“Qafqazinfo” xəbər verir ki, o, ötən ilin noyabrında Milli Məclisdə qəbul edilmiş Amnistiya aktı ilə cəzasının çəkilməmiş hissəsindən azad edilib.
Qeyd edək ki, Ə.Salayev 2020-ci il aprelində Cinayət Məcəlləsinin 147.2 (ağır cinayətdə ittiham etməklə böhtan atma) və 148-ci (təhqir) maddələri ilə 2 il 3 ay müddətə azadlıqdan məhrum edilib. O, Salyan Rayon Polis İdarəsinin əməkdaşı Həmzə Əzizovun şikayəti əsasında cəzalandırılıb.
İttihama görə, Ə.Salayev H.Əzizovu Salyanda bir qadına qarşı təcavüzdə ittiham edərək onunla mübahisəsinin videosunu sosial şəbəkələrdə yaymışdı. Bundan sonra polis əməkdaşı Salyan Rayon Məhkəməsində Salayevə qarşı xüsusi ittiham qaydasında iddia qaldıraraq həbsini tələb etmişdi.


Baxış sayı: 73


Bölməyə aid digər xəbərlər
19-05-2022, 19:48 Yoluxanların sayı artdı