Qazaxıstanın bu vilayətində kütləvi iğtişaşlar yatırılıb
Tarix: 06-01-2022 00:24 | Bölmə: Karusel

                  Qazaxıstanın bu vilayətində kütləvi iğtişaşlar yatırılıb


Qazaxıstanın şimal-şərqindəki regional mərkəzi olan Pavlodar vilayətinin rəhbərliyi hökumət əleyhinə kütləvi iğtişaşları yatırıb, hazırda şəhərdə hər şey sakitdir.
“Qafqazinfo” xəbər verir ki, bu barədə “Sputnik Qazaxıstan” məlumat yayıb.
Bildirilib ki, şahidlərin dediyinə görə, minə yaxın etirazçı rəsmi binaya basqın etməyə cəhd göstərsə də, polis dərhal döyüş növbəsinə düzülüb, sirenləri işə salıb, səs-küylü qumbaraatanlardan və xüsusi texnikadan istifadə edib.
Aksiya iştirakçıları mərkəzi meydandan dağıdılıb və axşam saatlarına qədər davam edən kütləvi həbslər həyata keçirilib.
Su şırnaqları hazır olsa da, onlardan istifadə etməyə ehtiyac qalmadığı bildirilib.
Etirazçılar  qeyd ediblər ki, onların böyük əksəriyyəti Pavlodardan deyil, Bayanaul rayonundan - rayon mərkəzindən təxminən 200 kilometr aralıda yerləşən kəndlərdəndir.


Baxış sayı: 107


Bölməyə aid digər xəbərlər