HÜQUQŞÜNAS-ŞAİR QAFAROV ƏDALƏT İZZƏTOĞLUNUN (ƏROĞLU) KƏNDİ İŞĞALDAN AZAD OLUNDU
Tarix: 28-10-2020 01:11 | Bölmə: Ədəbiyyat


QARABAĞA GEDİRƏM
Əmr verdi Ali Baş Komandanım,
Azad etdi torpağımı, Ordumuz,
Əsirlikdən azad oldu Yurdumuz.
Gerçək oldu amalımız, arzumuz,
Qarabağa, doğma Yurda gedirəm!

Təbrik edin, siz də məni, a dostlar,
Gözləyir yolumu, o qərib yurdlar,
Məndən kəndim Hovusluya Salamlar,
Ziyarətə, Ocağına, Salam var,
Qarabağa, doğma Yurda gedirəm!

Yol gözləyir Qozlu dağı, bulağı,
Qala dağı, ətəyində Xan bağı,
And yerimiz,Hacı Qaraman Ocağı,
Düşmənlər dağıdıb, o cənnət bağı,
Qarabağa, doğma Yurda gedirəm.

Elim, Obam sevinməsin, neyləsin?
Qəm kədəri, üz-gözündən silməsin?
Sevincini bir-biriyləbölməsin?
Bütöv xalqım gur səsiylə söyləsin:
Qarabağa, doğma Yurda gedirəm.

Əroğluyam yurd eşqiylə yanıram,
Şəhidləri ehtiramla anıram,
Mən özümü ən bəxtəvər sanıram,
Bu gün Cəbrayıla ünvanlanıram.
Qarabağa, doğma Yurda gedirəm.


QURBAN DEMİŞƏM
Qurbanlıq demişəm, gör, neçə vaxtdır?
Həsrətəm Ocağa, sir yurdlarıma.
Gəlirəm, ay Babam, qarşıla məni,
Qaraman Ocağı, Pir yurdlarıma.

Üzün gülsün ellər, Qələbə çaldıq,
İşğaldan yurdları, gör necə aldıq?
Bir daha yetişdik, ərşə uçaldıq,
Qaraman Ocağı, Pir yurdlarıma.

Acılı günlərim getsin gəlməsin,
Daşnaklar bir daha özün öyməsin.
Düşmənin ayağı bir də dəyməsin,
Qaraman Ocağı, Pir yurdlarıma.

Həsrət idim doğma yurda, bacaya,
Sənsiz dözəmmirdim, kədər, acıya.
Üçrəngli bayrağım gərək sancıla,
Qaraman Ocağı, Pir yurdlarıma.

Əroğlu, yağılar özün öyməsin,
Qara yellər qapımızı döyməsin.
Torpağıma yad ayağı dəyməsin,
Qaraman Ocağı, Pir yurdlarıma.


GEDİRƏM  QARABAĞA
Şükr edirəm Allaha,
Yurdum azaddır daha,
Təbrik edin, dostlarım!
Gedirəm Qarabağa.
***
Yol açdım Qarabağa,
Qalxacağam o, dağa,
Sevinirəm, El, Oba,
Gedirəm Qarabağa.
***
Xudafərin körpüsü,
Neçə əsrin, körpüsü,
Gələcəyin körpüsü,
Gedirəm Qarabağa.
***
Vətən bizi səsləyir,
Yurdlar bizi gözləyir,
Görün, şair nə deyir:
Gedirəm Qarabağa.

HÜQUQŞÜNAS-ŞAİR 
QAFAROV ƏDALƏT İZZƏTOĞLU (ƏROĞLU)

Sabaha-inamla.az Ədalət müəllimi bu münasibətlə təbrik edib, onun sevincini və ürək sözlərini oxuculara çatdırır:


]


Baxış sayı: 394


Bölməyə aid digər xəbərlər
14-12-2020, 17:32 Məşhur yazar vəfat etdi