Bütün xəbərlər
Yaponiya Ukraynaya 10 illik dəstək haqqında müqavilə imzalayacaq
Tarix: 08-06-2024 14:30 | Bölmə: Dünya

Ukrayna və Yaponiya 10 il müddətinə ikitərəfli saziş imzalamağı planlaşdırır, bu saziş çərçivəsində Tokionun Kiyevə dəstəyi, o cümlədən enerji və təhlükəsizlik sahələrində təsdiqlənəcək.
Sabaha-inamla.az rus mətbuatına istinadən xəbər verir ki, sənəddə Tokionun Kiyevi öldürücü olmayan silahlarla təmin etmək niyyəti göstəriləcək, həmçinin yaralıların müalicəsi və ərazilərin minalardan təmizlənməsinə dəstək göstəriləcək. Bu barədə NHK telekanalı məlumat yayıb.
Mənbələrin məlumatına görə, Ukrayna və Yaponiya iyunun 13-də G7 ölkələrinin liderlərinin görüşü zamanı konfrans keçirməyə razılaşırlar.
“Yenidənqurma dəstəyi, minalardan təmizləmə ilə yanaşı, qadınlar və uşaqlar üçün humanitar vəziyyətin yaxşılaşdırılması səylərini də əhatə edir”, - deyə, telekanal bildirib.
Yaponiya hökuməti dəfələrlə Ukraynaya yardımın tərəfdarı olub. Bundan əvvəl ölkə artıq Kiyevə 7,6 milyard dollar məbləğində dəstək vermişdi.
Bu qış Tokioda iqtisadi artımı təşviq etmək və Ukraynanı bərpa etmək üçün Yaponiya-Ukrayna konfransı keçirilib.
2023-cü ilin iyununda Yaponiyanın baş naziri ölkənin Kiyevə pilotsuz uçan aparatların aşkarlanması sistemlərini tədarük edəcəyini açıqladı.




Baxış sayı: 117


Bölməyə aid digər xəbərlər