Bütün xəbərlər
Traktorda etiraz edən fermerlər Parisin mərkəzinə gəliblər
Tarix: 23-02-2024 15:36 | Bölmə: Dünya

Etiraz edən fransız fermerlər traktorlarla Parisin mərkəzinə gələrək hakimiyyətdən dəstək tələb ediblər.
Sabaha-inamla.az rus mətbuatına istinadən xəbər verir ki, Onlar Ukraynadan kənd təsərrüfatı məhsullarının nəzarətsiz idxalı fonunda gəlirlərin azalmasından hiddətləniblər.
TASS xəbər verir ki, üzərində plakatlar və Fransa bayraqları olan əlliyə yaxın traktor şəhərin mərkəzinə daxil olub. Plakatlarda Ukrayna məhsullarının idxalını dayandırmağa çağıran şüarlar yer alıb. Maşınlar vedrələrini asfalta vurur və etiraz edən fermerlər fişənglər atırlar.
Jurnalistlərin müsahibə verdiyi aksiya iştirakçıları haqsız rəqabətdən, eləcə də hakimiyyət orqanlarının kənd təsərrüfatına dəstək üçün vəd edilmiş tədbirlərin həyata keçirilməsinə tələsməməsindən şikayətləniblər.
Aksiya fevralın 24-də Parisdə keçiriləcək beynəlxalq kənd təsərrüfatı forumu ərəfəsində keçirilir. Tədbir təşkilatçıları artıq təhlükəsizlik tədbirlərini gücləndirib. Forumda ölkə prezidenti Emmanuel Makron iştirak edəcək: o, fermerlərlə dəstək tədbirlərini müzakirə edəcəyinə söz verib.
Avropada fermerlər etiraz aksiyaları keçirirlər. Ucuz Ukrayna kənd təsərrüfatı məhsullarının idxalı Polşa, Çexiya və İspaniyada fermerlər üçün problemlərlə nəticələnib.



Baxış sayı: 66


Bölməyə aid digər xəbərlər