Bütün xəbərlər
İndoneziyada vulkan püskürməsi nəticəsində 11 turist ölüb
Tarix: 04-12-2023 11:18 | Bölmə: Dünya

İndoneziyanın Sumatra adasındakı Marapi vulkanının püskürməsi nəticəsində azı 11 turist ölüb, daha 12 turist itkin düşüb, "Reuters" xəbər verir.
Sabaha-inamla.az rus mətbuatına istinadən xəbər verir ki, bazar günü, dekabrın 3-də vulkan təxminən 3 kilometr hündürlüyə bir kül sütunu atdı. Həmin vaxt orada turistlər və alpinistlər də daxil olmaqla 75 nəfər olub. Təhlükəli ərazidən 49 alpinist təxliyə edilib, bir çoxu yanıq xəsarətləri alıb.
Axtarış-xilasetmə qrupunun sözçüsü Codi Haryavan bildirib ki, sağ qalan üç nəfər bazar ertəsi, dekabrın 4-də, bazar günü püskürmə zamanı ərazidə olan 11 alpinistin cəsədi ilə birlikdə tapılıb.
Hazırda axtarış əməliyyatı təhlükəsizlik səbəbi ilə dayandırılıb.
Səlahiyyətlilər xəbərdarlıq səviyyəsini ikinci ən yüksək səviyyəyə qaldırdı və sakinlərə kraterə üç kilometrdən daha yaxın yaxınlaşmağı qadağan etdi.


Baxış sayı: 56


Bölməyə aid digər xəbərlər