Bütün xəbərlər
Yəməndə İsraillə əlaqəli neft tankeri qaçırılıb
Tarix: 26-11-2023 19:53 | Bölmə: Dünya

Yəmən sahillərində israilli iş adamı Eyal Oferə məxsus Central Park of Zodiac Maritime neft tankeri ələ keçirilib.
Sabaha-inamla.az rus mətbuatına istinadən xəbər verir ki, bu barədə bazar günü "Associated Press" məlumat yayıb.
Hadisənin təfərrüatları hələlik açıqlanmayıb. Yalnız qeyd olunur ki, gəmi Ədən sahillərində hansısa “naməlum qüvvə” tərəfindən müsadirə edilib.
Tankerə kimin hücum etdiyi açıqlanmır. Agentlik xatırladır ki, Ədənə uzun illərdir husi üsyançılarına qarşı mübarizə aparan Səudiyyə Ərəbistanının (buraya BƏƏ, Misir, Liviya və digər ölkələr də daxildir) rəhbərlik etdiyi koalisiya tərəfindən nəzarət edilir.
Keçən həftə Yəmənin "Ənsar Allah" hərəkatı (husilər) Eylatdakı İsrail hərbi obyektlərinə raket zərbəsi endirdiyini açıqlamışdı. Bundan əvvəl husilərin başçısı Əbdülməlik əl-Husi hərəkatın Qırmızı dənizdə İsrail gəmilərini müəyyən edərək onlara hücum edəcəyini açıqlamışdı.


Baxış sayı: 133


Bölməyə aid digər xəbərlər