Bütün xəbərlər
Böyük Britaniyada evsiz ukraynalı qaçqınların sayı artır
Tarix: 06-12-2022 00:23 | Bölmə: Dünya


Britaniyalılar getdikcə ukraynalı qaçqınları qəbul etməkdən imtina edirlər. Sabaha-inamla.az rus mətbuatına istinadən xəbər verir ki,bu səbəbdən evsiz ukraynalıların sayı sürətlə artmağa başlayıb və hökumət onları alanlara görə kompensasiyanı ikiqat artırmaq niyyətindədir.
İngiltərədəki evsiz ukraynalı qaçqınların sayı bir ayda təxminən 30% artdı, çünki ev sahibi ailələr müharibədən qaçanlara dəstəyi dayandırdılar.
Bundan əvvəl ukraynalı qaçqınlar və britaniyalı ev sahibləri Britaniya hökumətinə müraciət edərək dəstək istəyiblər. Məsələ burasındadır ki, mart ayından başlayan “Ukrayna üçün evlər” proqramının altı aydır ki, aksiyası başa çatmaq üzrədir. Proqram çərçivəsində ev sahibi ölkə dövlətdən ayda 350 funt sterlinq alırdı.
İndi iki mindən çox uşaqlı ailə və Ukraynadan təkbaşına gələn doqquz yüz nəfər rəsmi olaraq evsizdir. Onların ümumi sayı əvvəlki ayla müqayisədə 800 nəfər artıb.
Böyük Britaniyanın Mənzil və Kommunal Təsərrüfat naziri Maykl Qov böhranın qarşısını almaq üçün ev sahibi ailələrə ödənişlərin səviyyəsini yüksəltməyi düşünür. Ödənişlərin ikiqat artırılmasının elanı keçən həftə olmalı idi, lakin "davam edən mübahisələr" səbəbindən gecikdi.
Bir çox britaniyalı ailələr 40 ildə rekord inflyasiyaya görə kommunal xidmətlər və ərzaq üçün getdikcə daha çox pul ödəməyə məcbur olurlar, RİA Novosti xatırladır.


Baxış sayı: 54


Bölməyə aid digər xəbərlər