11:39 / 13-08-2022
Tramp həbs oluna bilər
Boris Conson Baş nazir postuna qayıtmağa hazırlaşır
Tarix: 24-07-2022 22:45 | Bölmə: Dünya

                     Boris Conson Baş nazir postuna qayıtmağa hazırlaşır



Böyük Britaniyanın istefaya göndərilən Baş naziri Boris Conson gələcəkdə hökumət başçısı postuna qayıtmağa hazırlaşır.
“Qafqazinfo” xəbər verir ki, bu barədə “The Times” baş nazirin ofisindəki mənbələrə istinadən yazır.
Mənbə bildirib ki, Conson hesab edir ki, onu əvəz edən kimsə hakimiyyətə gəlsə, fəlakətlə nəticələnə bilər və Mühafizəkarlar Partiyasının ümumi seçkilərdə məğlub olmasından bir neçə il sonra o, partiyanı yenidən hakimiyyətə gətirmək üçün qayıda bilər.
Nəşrin məlumatına görə, siyasətçinin Baş nazir postundan uzaqlaşdırılmasına kömək edən bir neçə mühafizəkar seçicilərin tənqidi ilə üzləşib. “The Times” hesab edir ki, onlar indi növbəti parlament seçkilərində uduzmaqla “oxşar cəza” ala bilərlər.
Nəşrin məlumatına görə, Mühafizəkarlar Partiyasının 7,6 mindən çox üzvü Consonun keçmiş maliyyə naziri Rişi Sunak və Böyük Britaniyanın xarici işlər naziri Liz Trass ilə birlikdə səsvermə üçün baş nazirliyə namizədlər siyahısına daxil edilməsini tələb edən petisiya imzalayıb.
Xatırladaq ki, Conson iyulun 7-də özü ilə bağlı bir sıra qalmaqaldan sonra istefa verdiyini açıqlayıb. 


Baxış sayı: 62


Bölməyə aid digər xəbərlər
13-08-2022, 11:39 Tramp həbs oluna bilər