11:42 / 03-07-2022
Biz teatrı niyə sevmirik?
Türkiyənin taxıl yüklü gəmisi Mariupol limanından yola düşdü
Tarix: 23-06-2022 02:42 | Bölmə: Dünya

                     Türkiyənin taxıl yüklü gəmisi Mariupol limanından yola düşdü



Moskvada Qara dənizdə açılması planlaşdırılan taxıl dəhlizi ilə bağlı ilk görüş keçirilib. Görüşdən sonra türk gəmisi ilk xarici gəmi olaraq Mariupol limanından ayrılıb.
“Qafqazinfo” türk mətbuatına istinadən xəbər verir ki, Türkiyə, Ukrayna və Rusiya arasında qurulan "qırmızı xətt" diplomatiyası çərçivəsində dünən Rusiyaya səfər edən Türkiyə Milli Müdafiə Nazirliyinin hərbi heyəti ərzaq böhranının həlli, Ukrayna limanlarında gözləyən taxılla yüklənmiş ticarət gəmilərinin boşaldılması və Ukraynaya məxsus təyyarələrin təhlükəsiz daşınması kimi məsələləri müzakirə edib.
Paytaxt Moskvada “qırmızı xətt” diplomatiyası çərçivəsində təyin olunmuş türk və rus generallarının başçılıq etdiyi hərbi nümayəndə heyətlərinin görüşü “konstruktiv" hesab edilib. 
Ukrayna limanlarından taxıl yüklü ticarət gəmilərinin boşaldılmasının müzakirə edildiyi görüşdə problemin həlli üçün Türkiyə, Rusiya, Ukrayna və Birləşmiş Millətlər Təşkilatı (BMT) arasında danışıqların aparılması üçün razılıq əldə olunub. 
Bu kontekstdə Ukrayna və BMT tərəfi ilə görüşlərin ardınca yaxın həftələrdə Türkiyədə "dördlük" şəklində görüş gözlənilir.
Qeyd edək ki, Türkiyənin “Azov Concord” quru yük gəmisi Ukraynanın Mariupol limanını tərk edən ilk xarici gəmi olub.


Baxış sayı: 43


Bölməyə aid digər xəbərlər
11-06-2022, 15:07 Bayden Zelenskini qınayıb