Saakaşvili əfv oluna bilərmi? - Prezidentdən açıqlama
Tarix: 03-11-2021 23:07 | Bölmə: Dünya

                    Saakaşvili əfv oluna bilərmi?


Gürcüstan Prezidenti Salome Zurabişvili həbsdə olan eks-prezident Mixail Saakaşvilinin əfv edilməsi ilə bağlı mövqeyini açıqlayıb.
“Qafqazinfo” gürcü mediasına istinadən xəbər verir ki, o bildirib ki, Saakaşvili ilə bağlı mövqeyini dəyişməyəcək - o, əfv olunmayacaq.
“Keçmiş prezidentin əfv olunması ilə bağlı mövqeyim qəti və dəyişməzdir – yox və heç vaxt. Keçmiş prezident nə siyasi məhbusdur, nə də günahsız qurbandır. O, ölkəyə qanunsuz daxil olmuş məhkumdur. Onun ölkəyə gəlməsində məqsəd sabitliyi pozmaq olub”, - deyə Zurabişvili brifinq zamanı deyib. 
Onun sözlərinə görə, Saakaşvilini xüsusi məhbus hesab etmək lazımdır və bu da peninetsiar xidmətdən, hökumətdən xüsusi diqqət tələb edir. 
Qeyd edək ki, oktyabrın 1-də Tbilisidə tutulan Saakaşvili iki cinayət işi üzrə ittiham olunur və onunla bağlı qiyabi hökm çıxarılıb. Onun 6 il məhkumluq həyatı yaşaması gözlənilir. 

 


Baxış sayı: 67


Bölməyə aid digər xəbərlər
26-01-2022, 22:41 İrəvanda daha bir istefa