Küveytin “Bobiannews.net” xəbərlər portalında Ümummilli Lider Heydər Əliyevin anadan olmasının 98-ci ildönümü münasibətilə “Kim kimə mənsubdur” başlıqlı müəllif yazısı-Sabaha-inamla.az-da
Tarix: 09-05-2021 23:03 | Bölmə: Dünya
               الصحيفة الكويتية تكتب عن الزعيم الوطني حيدر علييف


Azad jurnalist Adil Əl-Əzmi Küveytin “Bobiannews.net” xəbərlər portalında Ümummilli Lider Heydər Əliyevin anadan olmasının 98-ci ildönümü münasibətilə “Kim kimə mənsubdur” başlıqlı müəllif yazısıilə çıxış edib. 
Məqaləni olduğu kimi (tərcümədə) diqqətinizə təqdim edirik:
“Şübhəsiz bu dünyada hər kəs öz vətəninə mənsubdur. Lakin son zamanlar araşdırmalarım sayəsində bir şəxsə mənsub olan vətən tapdığımı desəm şişirtmiş olmaram...
Bu adamın tarixini və vətəni üçün fədakarlıqlarını oxuduqda, orada sadəcə vətənpərvərlik deyil, həm də onun vətəninə ağla sığmaz bir dərəcədə aşiq olduğunu gördüm..



Ölkəsinin azadlığı uğrunda mübarizə aparmış və qalib gəlmiş, onun dirçəlişi və inkişafı uğrunda mübarizə aparmış və parlaq bir uğur qazanaraq ölkəsinin adının beynəlxalq arenalarlarda layiqli yer almasına nail olmuşdur.
Onun həmvətənlərinə məlum olan çoxsaylı töhfələri var və onlar mənim nə dediklərimi bilirlər. Onun Beynəlxalq töhfələri də var, onlardan biri Körfəz müharibəsindən sonra Küveytdəki neft quyularının söndürülməsindəki səhmdarlığı və tərəfdaşlığı idi.
Mənim haqqımda bu insandan və onun nailiyyətlərindən xəbərsiz biri olduğumu deyənləri qınamıram. Bu gün ölkəsinin dirçəliş, şəhərləşmə və inkişaf baxımından çatdığı səviyyə ilə fəxr etmək ona kifayət edər. O, Azərbaycanın siyasi, ictimai, mədəni və iqtisadi inkişafında böyük yeri olan, 1923-cü il 10 may tarixində anadan olmuş Heydər Əliyevdir. Onun SSRİ-dəki siyasi həyatı yeni Azərbaycan həmrəyliyi uğrunda keçmiş və siyasətdə 30 il fəal iştirak etmişdir.
Onun ölkəsi bir çox turistlərin üz tutduğu və turistlər üçün təhlükəsizlik və rahatlığın təmin olunması ilə bir çox ölkəylə rəqabətə girən ən gözəl ölkələrdən birinə çevrilmişdir.
Eyni zamanda Heydər Əliyev bir çox ölkədən çox sayda mükafat, təltif və fəxri doktorluq almışdır. Əliyev 4 dəfə “Lenin Ordeni” və “Qırmızı Ulduz” kimi bir çox Sovet Ordenləri ilə təltif olunmuş və iki dəfə “Sosialist Əməyi Qəhrəmanı” mükafatına layiq görülmüşdür.
O, 13 aprel 1999-cu ildə Türkiyə Cümhuriyyətinin Prezidenti Süleyman Dəmirəl tərəfindən “Atatürk Beynəlxalq Sülh Mükafatı”na layiq görülmüşdür. Bunlarla yanaşı, 1997-ci ildə Ukraynada “Yaroslav Mudrı” ordeni, 2001-ci ildə Moskva Dövlət Universitetinin “Fəxri Professoru” adı, həmçinin 2003-cü ildə Rusiyanın ən yüksək mükafatlarından biri olan “Müqəddəs Apostol Andrey Pervozvannı” ordeni ilə təltif olunmuşdur.
Sual mövcud olaraq qalir.
Kim kimə mənsubdur? Heydər Əliyev Azərbaycana mənsubdur, yoxsa Azərbaycan ölkəsini sevən, onun üçün hər sahədə və bütün forumlarda mübarizə aparan Heydər Əliyevə mənsubdur?..
O, Heydər Əliyevdir, cənablar!..”
https://bobiannews.net/%d8%b9%d8%a7%d8%af%d9%84-%d8%a7%d9%84%d8%b9%d8%a7%d8%b2%d9%85%d9%8a-%d9%8a%d9%83%d8%aa%d8%a8-%d9%85%d9%86-%d9%8a%d9%86%d8%aa%d9%85%d9%8a-%d9%84%d9%84%d8%a2%d8%ae%d8%b1%d8%9f-2/

Azərbaycan Respublikasının
Küveyt Dövlətindəki Səfirliyi
          Küveyt şəhəri


Baxış sayı: 153


Bölməyə aid digər xəbərlər