Ukrayna Rusiya ilə müharibə edəcəkmi? - Açıqlama
Tarix: 30-03-2021 01:48 | Bölmə: Dünya

                    Ukrayna Rusiya ilə müharibə edəcəkmi?


“Ukrayna Silahlı Qüvvələrinin Baş Qərargahı Rusiya ilə açıq müharibə hazırlığı təsbit etmir, ancaq hadisələrin bu istiqamətdə inkişafı təhlükəsi var”.
“Qafqazinfo” “RİA Novosti”yə isitnadən xəbər verir ki, bunu Ukrayna Silahlı Qüvvələrinin Baş Qərargah rəisi Ruslan Xomçak deyib.
“Bir gün səhər oyanıb müharibə ilə qarşılaşacağımızla bağlı birbaşa təhlükə varmı? Bu gün Baş Qərargah situasiyanı belə dəyərləndirir ki, sabah belə bir şey olmayacaq. Çünki bunun baş verməsi üçün müvafiq hərəkət və amillər olmalıdır. Rusiya tərəfindən də müvafiq hərəkət və amillər müşahidə olunmur.Ancaq əlbəttə ki, təhlükə var. Hər şeydən əvvəl, ona görə ki, Rusiya öz planlarından əl çəkmir”, - deyə Xomçak bildirib.
O qeyd edib ki, Donbasda eskalasiya vaxtaşırı baş verir. Ukraynanın şərqində atəşkəs barədə razılığa gəlindikdən dərhal sonra bir ayda 50-yə qədər hücum qeydə alınıb. Bu tendensiya xüsusilə avqust və sentyabr aylarında müşahidə olunub. Xomçak əlavə edib ki, Ukrayna Silahlı Qüvvələri 27 iyul 2020-ci ildə atəşkəs elan edildiyi gündən bəri “yüksək səviyyədə elan edilmiş razılaşmaları yerinə yetirir”.


Baxış sayı: 97


Bölməyə aid digər xəbərlər
11-05-2021, 22:18 Kazan bu gün... - Fotolar