Sumqayıt məktəbinin direktoru: "İndi artıq yuxarı sinif müəllimləri də ibtidai sinif müəllimləri ilə bərabər online dərs keçirlər"
Tarix: 26-03-2020 14:56 | Bölmə: Sosial


               
Ümumi təhsil məktəblərində təhsil alan şagirdlər “Mədəniyyət” və “ARB Günəş” kanallarında yayımlanan “Dərs vaxtı” verilişini izləməyə davam edirlər. Onlar həm də öz müəllimlərinin online təşkil etdikləri dərsləri dinləyirlər. Sumqayıt məktəblərində vəziyət necədir? Sabaha-inamla.Az  ilkin olaraq Sumqayıt şəhər 7 nömrəli tam orta məktəbin direktoru Təranə Haqverdiyeva ilə əlaqə saxlayıb. O,əməkdaşımızla söhbətində deyib: "Bizim ibtidai sinif müəllimlərinizin hamısı vatsapda valideynlərlə bərabər qrup təşkil ediblər. Valideynlərin hamısı xüsusi Zoom proqramını yükləyib. 6-8 şagirdə müəllimlərin hamısı online dərs keçirlər. Və onlardan Azərbaycan dilini, oxunu, riyaziyyatı, həyat bilgisini soruşurlar. İndi artıq yuxarı sinif müəllimləri də ibtidai sinif müəllimləri ilə bərabər online dərs keçirlər. 
Biz qərərgah yaratmışıq. Sədr özüməm, direktor müavinləri və cavan müəllimlərdən ibarət. Qərərgahın 13 üzvü var.Gündə iki dəfə valideynlərlə əlaqə saxlayırıq. Uşaqların halını soruşurq, evdə nə iş görürlər, dərs oxuyurlar? və s. suallar verməklə onlarla maraqlanırıq".

                
Direktor şagirlərin evdə olduqlalrı zaman koronavirusa qarşı gördüyü işlərdən də danışıb: "Videomüraciətdəki Ruhiyyə müəllimənin şagirdləridir.Təşəbbüs irəli sürdülər,narazı olmadıq. Həmin uşaqların özlərinin videoçarxıdı,özlərinin məktəbli yoldaşlarına müraciətidir. "Evdə qal, sağlam qal, özümüzü qoruyaq,dövlətimizi qoruyaq".
Koronovirusa qarşı mübarizədə iştirak edən həkimlərimizlə, polislə bağlı ən yaxşı rəsm müsabiqəsi keçiririk. İndi uşaqlar karandaşla, rəngli boya, akvarellə həmin şəkilləri çəkirlər. Həftənin axırı müsabiqəyə yekun vurulacaq, ən gözəl şəkil nümayiş etdiriləcək. Qalib şagird bizə- qrupa ən yaxşı şəkili atacaq.Ən yaxşı şəkilin sahibini biz dərs açılanda mükafatlandıracağıq".  
Günel Məmmədli
Sabaha-inamla.Az
                
                


Baxış sayı: 462


Bölməyə aid digər xəbərlər