Bütün xəbərlər
Zelenski evə əliboş qayıtmır
Tarix: 15-05-2023 23:53 | Bölmə: Siyasət


Volodimir Zelenski Avropa turnesini başa vurub və yeni hərbi yardım paketləri ilə Ukraynaya qayıdır.

Sabaha-inamla.az rus mətbuatına istinadən xəbər verir ki, o, bu barədə qatarda lentə alınan axşam videomüraciətində bildirib.
“Cəbhə üçün daha çox yeni silahlar, daha çox siyasi dəstək”, - deyə, Zelenski bildirib.
Onun sözlərinə görə, səfər zamanı NATO-nun Vilnüs sammiti və G7-yə qədər avropalı tərəfdaşlarla mövqelər razılaşdırılıb.
“Bütün görüşlərdə bizim “sülh düsturumuz” müzakirə olundu”, - deyə, Zelenski bildirib.
O, iddia edir ki, Ukraynanın Aİ və NATO-ya daxil olması üçün daha çox dəstək görüb, RİA Novosti yazır.
Zelenski mayın 13-15-də İtaliya və Vatikanda, Almaniya, Fransa və Böyük Britaniyada olub. O, bir sıra Avropa ölkələrinin prezidentləri və baş nazirləri, həmçinin Roma Papası Fransisklə görüşlər keçirib. Xüsusilə Almaniya, Fransa və Böyük Britaniya tərəfindən Ukraynaya yeni yardım paketləri açıqlanıb.


Baxış sayı: 194


Bölməyə aid digər xəbərlər