Bütün xəbərlər
Türkiyə Suriyada əməliyyat keçirmək üçün icazə istəməyəcək
Tarix: 27-11-2022 00:54 | Bölmə: Siyasət

Türkiyə prezidentinin mətbuat katibi İbrahim Kalın bildirib ki, Türkiyə ölkənin milli təhlükəsizliyini təmin etmək üçün antiterror əməliyyatları keçirmək üçün icazə istəmiyəcək.
Sabaha-inamla.az rus mətbuatına istinadən xəbər verir ki,onun sözlərinə görə, Ankara çağırışları və təhdidləri aradan qaldırmaq üçün birgə addımlar hazırlamaq üçün tərəfdaşlarla müzakirə etməyə hazırdır, lakin razılaşmalar olmadığı halda problemləri “özbaşına” həll etmək niyyətindədir.
Dövlət başçısının mətbuat katibi diqqətə çatdırıb ki, Türkiyə ordusunun Suriya və İraqla həmsərhəd ərazilərdəki bütün hərəkətləri BMT Nizamnaməsinin özünümüdafiə hüququna istinad edən 51-ci maddəsinə əsaslanır.
"Terrorizmlə mübarizənin müasir konsepsiyası qönçədəki təhlükənin məhv edilməsini nəzərdə tutur", - Kalın bildirib.
Noyabrın 20-də Türkiyə Müdafiə Nazirliyi Kürdüstan Fəhlə Partiyası yaraqlılarına qarşı “Pəncə-Qılınc” əməliyyatına başladığını elan edib. Ankarada bu siyasi qüvvənin noyabrın 13-də İstanbulun mərkəzində törədilən terror aktında əli olduğu hesab olunur.
Türkiyə prezidenti Rəcəb Tayyib Ərdoğanın sözlərinə görə, Rusiyanın 2019-cu il Soçi razılaşmasında nəzərdə tutulan kürd birləşmələrinin respublika sərhədindən çıxarılması ilə bağlı vədlərini yerinə yetirməkdən “imtina etməsi” ilə əlaqədar Ankara Suriya və İraqda hava əməliyyatına başlayıb. Şimali İraqda döyüşlər gedir. Bu günlərdə Türkiyə mətbuatı bu ölkənin Silahlı Qüvvələrinin Suriyada genişmiqyaslı quru əməliyyatı keçirməyi planlaşdırdığını yazıb.


Baxış sayı: 62


Bölməyə aid digər xəbərlər