Bütün xəbərlər
Rubensin "Xaçdakı Məsih" əsəri 2,3 milyon avroya satılıb
Tarix: 30-11-2025 19:22 | Bölmə: Mədəniyyət

Peter Paul Rubensin itirilmiş hesab edilən "Xaçdakı Məsih" əsəri Versalda keçirilən hərracda 2,3 milyon avroya satılıb.
Sabaha-inamla.az rus mətbuatına istinadən xəbər verir ki, satışın keçirildiyi Osenat hərrac evinin dolu bir zalda satıldığı bildirilir. Başlanğıc qiyməti 500.000 avro, təxmini dəyəri isə 1-2 milyon avro olub. Alıcının adı açıqlanmayıb.
TASS hərrac evinin rəhbəri Jan-Pyer Osenatın sözlərinə görə, "2,3 milyon avroya satılıb".
Təxminən 1620-1625-ci illərdə çəkilmiş rəsm əsərində qaranlıq səma fonunda çarmıxda İsa Məsih təsvir olunub. Onun arxasında Qolqota görünür və buludların kölgəsində günəşli Yerusəlimin mənzərəsi açılır.
Rəssamın əsəri 2024-cü ildə Parisin 6-cı rayonunun Monparnas məhəlləsində, Lüksemburq Bağlarının yaxınlığında yerləşən Paris malikanəsinin satışına hazırlıq işləri zamanı aşkar edilib. Kəşfdən sonra ekspert 105,5 x 72,5 sm ölçüdə palıd panel üzərində çəkilmiş əsərin orijinal olduğunu təsdiqləyib.
Daha əvvəl Pietro Peruginonun İntibah dövrünə aid "Madonna və Uşaq" əsəri İngiltərənin Oksfordşir şəhərindəki JS Fine Arts hərracında 897.000 dollara satılıb.



Baxış sayı: 28


Bölməyə aid digər xəbərlər