“Kişiyə yaraşmayan hərəkət etdi” - Tünzalə eks-əri barədə
Tarix: 12-04-2021 12:56 | Bölmə: Mədəniyyət

                  “Kişiyə yaraşmayan hərəkət etdi”


“Sənətə gələndə evli idim. Bu, həyatımın maraqlı və kədərli bir səhifəsi olub. Ailə həyatını tamam başqa cür xəyal edirdim, arzularım fərqli idi. Elə bilirdim ki, hər şey sevginin üzərində qurulub. Düşünürdüm ki, həmişə belə olacaq”. 
“Qafqazinfo” xəbər verir ki, bu sözləri Xalq artisti Tünzalə Ağayeva “Dəyişən cavab” proqramında qonaq olarkən keçmiş həyat yoldaşı, aranjimançı Rəhman Əliyev barədə danışarkən deyib.
“Onun dəstəyini heç vaxt dana bilmərəm. Hər birimizin nöqsanları olub. Yeddi il birlikdə olmuşuq. Bir müddət sonra xasiyyətimiz tutmadı, ona görə də, ayrılmaq qərarına gəldim. İnanın, çox xırda məsələləri problem edirdik. O zaman qızım Fidanın iki yaşı var idi. Bu mübahisələrimizə qızımın şahid olmağını istəmirdim. İki-üç il belə həyat tərzi yaşadım. 2001-2004-cü illərdə efirə çıxırdım, “hər şey gözəldir”, - deyirdim.
Valideynlərim çox kədərlənirdi ki, övladımın ailəsi dağılır. Həmin illərdə şər və xeyri eyni anda yaşadım. Albomlarım uğur qazanırdı. O illərdə Tünzalə Ağayeva ulduzunun parlamağını hiss etmədim. Daxilimdə faciə yaşayırdım. O, övladının anası, ömür-gün yoldaşı Tünzalənin şəxsiyyətinə hörmətsiz yanaşdı. Bax, həmin anda ondan tamamilə qırıldım. Çox ehtiyatsız, kişiyə yaraşmayan bir hərəkət etdi. “Mənlə yaşamırdısa, həyat məhv olmalıdı”, - deyə düşünürdü. Mənim haqqımda mediada xəbərlər yazdırırdı, onlara pul verirdi, imicimə xələl gətirmək istəyirdi”.


Baxış sayı: 183


Bölməyə aid digər xəbərlər
7-05-2021, 01:17 Arif Quliyev vəfat etdi