"Azərkitab" Təbliğat Mərkəzində xalq artisti Canəli Əkbərovun 80 illik yubileyi keçirilib
Tarix: 08-03-2020 03:33 | Bölmə: Mədəniyyət
"Azərkitab" Təbliğat Mərkəzində Azərbaycan Respublikasının xalq artisti, professor, prezident təqaütcüsü, "Şöhrət" və "Şərəf" ordenli, xanəndə Canəli Əkbərovun 80 illik yubileyi keçirilib.Tədbiri giriş sözü ilə acan “Dünya Azərbaycanlıların Həmrəyliyinə Dəstək” təşkilatının prezidenti Tofiq Əli-zadə bildirib ki, muğam sənəti əsrlərdən bizə miras qalmış
və bu günümüzə kimi gəlib çatan milli sərvətimizdir.Tofiq Əli-zadə xalq artisti Canəli Əkbərovun həyatı və muğam ifaçılığı ilə baglı danışarkən soyləyib ki,o, müəllimləri Seyid Şuşinski və Xan Şuşinskidən muğam ifaçılığının qayda-qanunlarını mənimsəmiş və öz ifaçılıq qabiliyyətini təkmilləşdirərək , 1965 ildən başlayaraq uzun illər   Azərbaycan Dövlət Filarmoniyasının solisti, 1976-cı ildən  Azərbaycan Dövlət Opera və Balet Teatrının solisti
olub.Xanəndə  teatr səhnəsində muğam operalarında bir sıra yadda qalan obrazlar: Məcnun və İbn-Səlam (Ü.Hacıbəyov – "Leyli və Məcnun"), Şah İsmayıl (M.Maqomayev – "Şah İsmayıl"), Aşıq qərib (Z.Hacıbəyov – "Aşıq Qərib") opera partiyalarını yaradıb. Canəli Əkbərov xarici ölkələrdə - Almaniyada, Malidə, Avstriyada və s. ölkələrdə dəfələrlə qastrol səfərlərində olub.Səmərqənddə keçirilən Şərq musiqi simpoziumunda və Rusiyada Şərq xalqlarının musiq festivalında böyük nailiyyət əldə edib. Canəli Əkbərovun ifa etdiyi bütün muğamlar, dəsgahlar vallara və disklərə yazılıb. Canəli Əkbərov uzun illər muğam müəllimi
kimi, Azərbaycan Dövlət Mədəniyyət və İncəsənət Universitetində "Muğam sənəti" kafedrasının müdiri vəzifəsində çalışarkən, gənc xanəndələr nəslini yetişdirib.Sonra xalq artisti Canəli Əkpərovun haqqında cəkilmiş video-lentlərə baxış oldu.
Cıxış edənlərdən “Söz”ədəbi-publisistik jurnalının baş redaktoru Sevda Əlibəyli, “Sabaha İnamla.az” saytının baş redaktoru Namiq Məmmədli, Azərbaycan-Türkmən Eli birliyinin sədri Aygün Hüseynli,fəlsəfə doktoru Elvin Talışınski, əməkdar artist Nuriyyə Hüseynova və başqaları mugam ifacılığ sahəsində Canəli Əkpərovun  əvəz olunmaz xidmətləriindən danışıblar.
Daha sonra cıxış edən xalq artisti Canəli Əkpərov tədbirə gələn qonaqlara və şəxsən Tofiq Əli-zadəyə minnətdarlığını bildirərək belə deyib: “Allah mənə gözəl ürək, dil-ağız, göz verib, cəmiyyətdə davranmaq qayda-qanunlarını, dövlətçiliyə sadiq qalmaq mədəniyyətini bəxş edib. Sənətdə bu qədər uğur qazanmışam, dilimin düzlüyü, sədaqətimlə yalan danışmağı bacarmamışam. Düşmənimə də verdiyim sözə əməl edirəm. Sənətdə sağlam rəqabətçiyəm. Vaxtilə özümdən böyük sənətkarların hörmətini saxlamışam, onlara oğulluq, qardaşlıq məhəbbəti etmişəm. İndi onlar mənim özümə qayıdır”.
Muğam ifaçısı həyatının ən sevincli və kədərli günlərindən də danışıb. O, pis günlərə sinə gərməyi bacardığını deyib: “Övladlarım, nəvələrimə həyat vəsiqəsi vermişəm. Amma çox istərdim ki, ata-anam mənim bugünkü durumumu görəydilər, cənab prezidentin mənə bəxş etdiyi evdə süfrə başında əyləşəydilər. Ən pis günümsə 3 uşaq anası cavan qız övladımı itirməyim oldu. Mən valideyn kimi nə lazımdır etdim, amma dünyasını dəyişdi, özümü çox aciz saydım”. 
Günel MƏMMƏDLİ
Sabaha-inamla.Az








Baxış sayı: 230


Bölməyə aid digər xəbərlər
13-06-2020, 23:41 Əlikram ferma açdı