Bütün xəbərlər
Putin Əliyevi qələbə münasibətilə təbrik edib
Tarix: 08-02-2024 13:41 | Bölmə: Gündəm

Rusiya prezidenti Vladimir Putin İlham Əliyevi növbəti dəfə Azərbaycan prezidenti vəzifəsinə seçilməsi münasibətilə təbrik edib.

Sabaha-inamla.az rus mətbuatına istinadən xəbər verir ki, iki lider arasında bu gün səhər telefon danışığı olub.
İlham Əliyev Rusiya Prezidentinə göstərdiyi diqqətə və təbrikə görə minnətdarlığını bildirib. Bundan başqa, dövlət başçıları iki ölkə arasında strateji tərəfdaşlıq və müttəfiqlik münasibətlərinin daha da inkişaf edəcəyinə əminliklərini ifadə ediblər, Azərbaycan Prezidentinin mətbuat xidməti xəbər verir.
Fevralın 7-də respublikada növbədənkənar prezident seçkiləri keçirilib. Azərbaycan Mərkəzi Seçki Komissiyasının sədri Məzahir Pənahov bildirib ki, seçicilərin 92 faizindən çoxu İlham Əliyevə səs verib.
İlham Əliyev Azərbaycana 2003-cü ildən rəhbərlik edir (bundan əvvəl onun atası Heydər Əliyev ölkənin prezidenti olub). Respublika Konstitusiyası bir şəxsin təkrar prezident seçilə biləcəyini məhdudlaşdırmır.
Bundan əvvəl Belarus, Özbəkistan, Macarıstan, Türkiyə, İraq və Serbiya prezidentləri Əliyevi seçkilərdəki qələbəsi münasibətilə təbrik ediblər.




Baxış sayı: 61


Bölməyə aid digər xəbərlər
7-02-2024, 19:00 Səsvermə başa çatdı