İcra başçısı Baş redaktoru mükafatlandırdı-VİDEO-"Namiq Məmmədli sözə təmənnasız xidmət edən jurnalistlərimizdəndir"-FƏRMAN KAZIMOV
Tarix: 06-08-2022 00:52 | Bölmə: Gündəm


     Bu gün tanımış jurnalist, Sabaha-inamla.az xəbər portalının Baş redaktoru Namiq Məmmədlinin doğum günüdür. Sumqayıt şəhər İcra Hakimiyyətinin başçısı Zakir Fərəcov onu şəhərin ictimai həyatında fəal iştirak etdiyinə görə və 55 illik yubileyi münasibətilə Fəxri Fərmanla təltif edib.

              
              
              
Sumqayıt şəhər Poeziya Evində keçirilən tədbiri giriş sözü ilə açan Sumqayıt şəhər İcra Hakimiyyətinin məsul şəxsi Fərman Kazımov Baş redaktor Namiq Məmmədli haqqında belə deyib: "Mən 20 ildir ki, Namiq Məmmədlini bir jurnalist kimi tanıyıram. Bu 20 ildə müşahidə elədiyim ondan ibarətdir ki, Namiq Məmmədli sözə təmənnasız xidmət edən jurnalistlərimizdəndir. Öz dövlətinə,dövlətçiliyinə sadiq bir insandır.

                         
                         

Doğulduğu, boya-başa çatdığı Sumqayıt şəhərini təmənnasız sevən jurnalistlərimizdəndir. Şəhərin müxtəlif məsələləri ilə bağlı çoxsaylı yazılar yazır. Çoxsaylı materialları rəhbərlik etdiyi qəzetdə, saytda işıqlandırır. Bunların hamısını təmənnasız şəkildə həyata keçirir. Jurnalist var ki, yazısı hələ ortaya çıxmamış gəlir ki, bunun qonorarı nə təhər olacaq?.. Bu 20 il müddətində Namiq Məmmədlini görmədim ki, hansısa yazısı üçün, hansısa bir təmənna güdə. O, yazıları ilə bir sumqayıtlı kimi dövlətçilik mövqeyində dayanır,qələmi ilə sözə xidmət edir. Namiq Sumqayıt şəhərində anadan olub. Valideynləri Sumqayıt şəhərinin inkişafında, formalaşmasında xidmət göstərən adamlardan olublar. Namiq də bu

                         

ənənəni davam etdirir. Bir çox qəzetlərdə çalışıbdır. Son illər də özünün təsis etdiyi "Sabaha inamla" qəzetinin, Sabaha-inamla.az saytının təsisçisidir. Yenədə qeyd edirəm ki, saytında, qəzetində Sumqayıt şəhəri ilə bağlı yazılar gedir. Bu yazılar şəhər İcra Hakimiyyəti tərəfindən də rəğbətlə qarşılanır. Şəhər rəhbərliyi də həmişə Namiq Məmmədlinin fəaliyyətini yüksək qiymətləndirir. Bu yaxınlarda da şəhər İcra Hakimiyyətinin başçısı cənab Zakir Fərəcov Namiq Məmmədli ilə görüşəndə də onun fəaliyyəti və gördüyü işlərlə bağlı öz müsbət  fikirlərini səsləndirmişdi". 

    Sonra Fəxri Fərmanı icra başçısının adından məsul şəxs Fərman Kazımov baş redaktora təqdim edib.
    Tədbirdə Prezidentin fərdi təqaüdçüsü, şairə Ofelya Babayeva, Sumqayıt şəhər Poeziya Evinin direktoru, şair İbrahim İlyaslı, şair Ədalət Əroğlu Baş redaktor Namiq Məmmədli haqqında öz ürək sözlərini söyləyiblər və onu doğum günü münasibətilə təbrik ediblər.
Sabaha-inamla.az





















Baxış sayı: 287


Bölməyə aid digər xəbərlər