Cemalettin Özdemir: "Mənim könlümə yatan Azərbaycan öz vətənim kimidir"-Sabaha-inamla.az
Tarix: 14-04-2022 23:57 | Bölmə: Gündəm
Şəkildə Cemalettin Özdemir, diaspora sədri Kamalia Ceylinova və baş redaktor Namiq Məmmədli

"Qarabağ qurtulmadan, Allahım, canımı alma deyirdim"


Cemalettin Özdemir.Onunla Bakıda xaricdə yaşayan azərbaycanlıların-diaspora sədrlərinin yığıncağında tanış oldum.Səmimi, sadə, vətənpərvər, Azərbaycanımızı sevən bir insandır.
0,Almaniya Nurbeng "Türk Tarixi Mədəniyyətlər" Muzeyinin müdiridir. Azərbaycanımızı Qarabağımızı xarici ölkələrdə təbliğ edir, Vətən müharibəsinin Qəhrəmanı- Şəhidlərimizi, qazilərimizi dünyaya tanıdır.
1979-cu ildən Almaniyada yaşayır. Alman vətəndaşıdır.O, rəhbəri olduğu muzey,  gördüyü işlər və Azərbaycanımız haqqında belə deyir: " Bu muzey Almaniyada türklər tərəfindən qurulan yeganə Türk-İslam muzeyidir. Bizim muzeyi xeyli adam ziyarət edir. Amacımız türk tarixini, mədəniyyətini, sənətini,dinini tanıtmaqdır. Dolayısı biz okullarla- cocuq toplumundan universtetlərə qədər projelər yapırıq. Bu projelərə alman polisi, alman ordusu, alman bakanlığı,səfirlər ziyarətimizə gəlirlər.
İllərdir yapdığım proqramlarda Azərbaycan tarixini, kültürünü, Macarıstanda, Avstriyada,Almaniyada anladıram. Azərbaycana özəl bir ilgim var. Qarabağ məsələsi ilə bağlı "Türk günləri" yapırıq. O festivallarda, səhnələrdə 15 ilə yaxın zamandır "Qarabağ Azərbaycandır" onları anladırıq, göstəririk. Bu mənim üçün həb bir dərddir. Qarabağ qurtulmadan, Allahım, canımı alma deyirdim. Mənim könlümə yatan Azərbaycan öz vətənim kimidir. İndi Qarabağ qurtulunca 60 yaşıma rəğmən Azərbaycana qoşa-qoşa gəldik. O baxımsız havanı tənəffüs edək.
Rəmzi xəyal aləmində olduğum üçün heç ətrafa baxmıram. Ruh halı məni mutlu edir. Ruh halı sağlam olduqca  hər şeyi gözəl görürəm. İnsanı gözəl, havası gözəl, hər şeyi gözəl.
Bizim muzeydə Azərbaycanın genel tarixi ilə bağlı əsərlər mövcuddur. Son dönəmlə bağlı da Qarabağ kültürünü göstərib "Qarabağ Azərbaycandır" deyirik.Savaş boyunca biz 100-ə yaxın proqram yapdıq. 30 dənəsi Azərbaycan, Qarabağla ilgilidir. "Azərbaycan", "Unudulmayan Qarabağ", "Xocalı qətliamı" bu mövzuları işlədik. Savaş boyunca gözümüz də, qəlbimiz də, könlümüz də Azərbaycanda idi.
Qeyd edim ki, Cemalettin Özdemir artıq bir neçə gündür Azərbaycandadır. Onun vətəndaşlarla nöbəti görüşü aprelin 15-də Sumqayıtda olacaq.

Namiq MƏMMƏDLİ
Sabaha-inamla.az


Baxış sayı: 269


Bölməyə aid digər xəbərlər