18:57 / 26-11-2021
Əvəz Həsənov vəfat etdi
Sumqayıt məktəbliləri şəhid Cavid Cəfərovun anım günündə- onun məzarının başında şeir söylədilər-VİDEO
Tarix: 02-10-2021 20:03 | Bölmə: Gündəm

   Sumqayıtda 44 günlük Vətən müharibəsində şəhidlik zirvəsinə ucalmış Cavid Cəfərovun anım günü keçirilib. Tədbirdə şəhid ailələri, ictimayyət nümayəndələri, jurnalistlər iştirak ediblər. Sumqayıt məktəbliləri şəhidin məzarı başında şeir söyləyiblər.
Cavid Cəfərov 1 dekabr 1993-cü ildə Sumqayıt şəhərində anadan olmuşdur. 2000-2009-cu illərdə Sumqayıt şəhər 33 nömrəli tam orta məktəbdə təhsil almışdır. 2009-2013-cü illərdə Sumqayıt Dövlət Texniki Kollecində təhsilini davam etdirmiş, 2013-cü ildə kolleci "nəqliyyatda daşımaların və idarə etmənin təşkili” ixtisası üzrə bitirmişdir.
                     
2016-cı ilin iyul ayında müddətli həqiqi hərbi xidmətə yollanan Cavid Cəfərov 2018-ci ilin yanvarında hərbi xidmətini başa vurmuşdur. Həmin ilin 13 oktyabr tarixindən müddətdən artıq həqiqi hərbi xidmət hərbi qulluqçusu kimi "N" saylı hərbi hissədə xidmətini davam etdirmişdir.
Azərbaycan Ordusunun əsgəri olan Cavid Cəfərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak etmişdir. Füzulinin azadlığı uğrunda gedən döyüşlərdə vuruşmuşdur. Cavid Cəfərov 1 oktyabr 2020-ci ildə Füzuli rayonu istiqamətində yaralı komandirini xilas edərkən şəhid olmuşdur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cavid Cəfərov ölümündən sonra "Vətən uğrunda" medalı ilə təltif edildi.

Namiq MƏMMƏDLİ
Sabaha-inamla.az










Baxış sayı: 149


Bölməyə aid digər xəbərlər
25-11-2021, 20:14 Prezident görüş keçirdi