Bütün xəbərlər
Nəsib Məhəməliyev: "Ölkə Başçısı videokonfransda xalqımızı narahat edən, maraqlandıran məsələlərlə bağlı fikirlərə aydınlıq gətirməklə, hər zaman xalqının, dövlətinin inkişafı üçün əlindən gələni etməyə hazır olduğunu göstərdi"
Tarix: 15-04-2020 13:54 | Bölmə: Gündəm
Azərbaycan Respublikasının Prezidenti İlham Əliyevin sədrliyi ilə, 2020-ci ilin birinci rübünün sosial-iqtisadi yekunlarına həsr olunan on-layn rejimdə müşavirə keçirilmişdir.
— Dövlət Başçısı giriş nitqində ilk üç ayda əldə olunan nailiyyətlər, sosial-iqtisadi göstəricilər,makroiqtisadi sabitlik,aqrar sektor, ekoloji vəziyyət, əhalinin içməli və texniki suya olan tələbatının ödənilməsi, ümumbəşəri bəlaya çevrilmiş koronovirusla mübarizə çərçivəsində görülən tədbirlər, Qarabağda keçirilən qanunsuz seçkilərə beynəlxalq təşkilatların münasibəti haqqında proqram xarakterli geniş məlumat verdi.
Tezislərlə bəzi məqamları diqqətinizə çatdırmaq istərdim.
— Nazirlər kabinetində, Milli Məclisdə, yerli icra hakimiyyətlərində aparılan kadr, struktur islahatları haqqında məlumat verdi və struktur islahatlarının davam etdirilməsi vacibliyi haqqında bəyanat verdi
—Pandemiya ilə bağlı yaranmış iqtisadi vəziyyətə görə Baş nazirə, maliyyə və iqtisadiyyat nazirlərinə dövlət xərclərinə yenidən baxılmasına, prioritet təşkil etməyən xərclərin ixtisar olunmasını tapşırdı.
—- Beynəlxalq valyuta fonduna, Dünya Bankına 150-dən çox ölkə yardım üçün müraciət etmişdir. Ancaq Azərbaycanın belə bir yardıma ehtiyacı yoxdur.
—- Qonşu ölkələrin milli valyutalarında dəyişiklik baş verən kimi, Azərbaycanda dərhal reaksiya verilir, süni ajiotaj yaradırlar. Ona görə də manatla bağlı xalqa müraciət edərək qeyd etdi ki, bizim kifayət qədər valyuta ehtiyatlarımız var. Hər hansı panikaya düşmək üçün səbəb yoxdur.
—-İlk növbədə işini itirmiş, imkansız insanlara yardım göstərilməsinin vacibliyini xüsusi vurğuladı.
— 70 mindən yuxarı ailəyə ünvanlı sosial yardım göstərilmişdir. 600 mindən çox müvəqqəti işini itirmiş insana dövlət dəstəyi verilir.
— Aqrar sektorun inkişafı ilə bağlı, emal sahəsinə daha çox diqqətin ayrılmasına, indiki halda kənd əhalisini ən çox narahat edən məsələ, karantin rejiminin kənd təsərrüfatı sahəsində problem yaratmaması , 30 milyon kreditin verilməsi haqqında tapşırıq verdi.
— Su ehtiyatlarından səmərəli istifadə etmək üçün Baş nazirin müavininin rəhbərliyi ilə xüsusi komissiyanın yaradılmasını tapşırdı.
— Özünüməşğulluq proqramının daha çox insanın cəlb olunması, bölgələrdə ödənişli iş yerlərinə ehtiyacın öyrənilməsi və əlavə tədbirlərin görülməsi, imkansız ailələrdən olan tələbələrin təhsil haqqının dövlət hesabına qarşılanması, şəhid ailələrinə 1500 ədəd mənzilin verilməsinin təmin olunması haqda tapşırıq verdi.
— Koronovirusla bağlı görülən və görüləcək tədbirlərlə əlaqədar 10 yeni modul tipli xəstəxananın tikintisinin başladığını qeyd etdi.
— Dövlət Başçısı Dağlıq Qarabağda keçirilən qanunsuz seçkilərə toxunaraq, əksər beynəlxalq təşkilatlatların seçkinin nəticələrini tanımadıqları halda, ölkə daxilində fəaliyyət göstərən, beşinci kolonun sıx əməkdaşlıq etdiyi Avropa Şurası Parlament Assambleyasının susqunluğunu, orada toplaşmış anti-azərbaycançı, ermənipərəst qüvvələrin ölkəmizə qarşı qərəzli mövqryinin nümunəsi kimi qeyd etdi. Cənab Prezident haqlı olaraq onların demokratiya, insan haqları mövzusu ilə Azərbaycanı şantaj etmək, daim təzyiq altında saxlamaq istədiklərini, ansaq heç bir nəticə əldə edə bilməyəcəklərini xüsusi vurğuladı.
— Azərbaycanın öz yolu var və biz o yolnan gedirik. Dağlıq Qarabağ münaqişəsinin
həlli yolu isə, Azərbaycanın ərazi bütövlüyünün bərpasıdır.
Əziz həmvətənlər.
Hesab edirəm ki, ölkə Başçısı videokonfransda Xalqımızı narahat edən, maraqlandıran və qarşıda duran bir çox məsələlərlə bağlı fikirlərə aydınlıq gətirməklə, bir daha uzaqgörənliklə, professional şəkildə bütün proseslərə şəxsən nəzarət etdiyni və hər zaman xalqının, dövlətinin inkişafı üçün əlindən gələni etməyə hazır olduğunu göstərdi.


Baxış sayı: 486


Bölməyə aid digər xəbərlər
7-02-2024, 19:00 Səsvermə başa çatdı