23:29 / 24-02-2021
Gürcüstanda daha bir istefa
Şair-publisist İbrahim Yusifoğlunun seçilmiş əsərləri işıq üzü gördü
Tarix: 10-11-2020 21:15 | Bölmə: Ədəbiyyat

Odlar Yurdu Azərbaycanın Naxçıvan divarının Şərur elinin Axura kəndində dünyaya göz açmış şair-publisist, Azərbaycan Yazıçılar və Jurnalistlər Birliklərinin üzvü, “Qızıl Qələm” media mükafatçısı, Qabaqcıl Təhsil işçisi, Prezident mükafatçısı İbrahim Yusifoğlunun 28 adda şeirlər, poemalar və nəsr əsərləri çap edilib oxuculara çatdırılmışdır.
    Son illərdə İ. Yusifoğlunun 5 (beş) cilddə seçilmiş əsərlərinin nəşrinə başlanılmışdır. Artıq birinci cilddə seçilmiş şeirlər, ikinci cilddə uşaqlar üçünşeirlər, poemalar və mənzum dramlar, üçüncü cilddə poemalar dərc olunmuşdur.
   Yenicə işıq üzü görən dördüncü cilddə müəllifin nəsr əsərləri toplanmışdır. “Yaşaran gözlər” povesti keçən əsrin 70-ci illərin gənclərinin tələbəlik dövründən, kənd həyatından, uğurlu və uğursuz məhəbbətdən söhbət açılır. “Göylərdən ələnən göz yaşlarıydı...”  povestində isə 1988-ci ildən xalqımıza edilən təcavüzdən və torpaq uğrunda şəhid olanların kövrək talelərindən söz açılır. “Mənim inamımı güllələdilər” poemasında “Sülhə, Göyərçinə, Qardaşlıq beşiyi” Sovet elinə olan inamın güllələnməsi poetik təsvirini tapır. “Şəhidlik ömrün nur çağı” bölməsində torpaq uğrunda canlarından keçmiş 17 nəfər vətən övladının igidliyindən söz açılır. İnanırıq ki, kitabda verilən hekayələr, əfsanələr, yol qeydləri  və digər publisist yazılar da oxucuların rəğbətini qazanacaqdır.
Qeyd edək ki, kitabın redaktoru Elman Telmanoğludur. Jurnalist Sara Əzimova isə kitaba "Sənin xoşbəxtliyin səadətimdir" adlı ön söz yazıb.

Namiq MƏMMƏDLİ
Sabaha-inamla.az


Baxış sayı: 163


Bölməyə aid digər xəbərlər
14-12-2020, 17:32 Məşhur yazar vəfat etdi