09:10 / 18-07-2024
Bayden koronavirusa yoluxub
Bütün xəbərlər
Nobel mükafatı laureatı Banqladeşdə 2 milyon dollar mənimsəməkdə ittiham olunur
Tarix: 12-06-2024 18:51 | Bölmə: Dünya

Nobel Sülh Mükafatı laureatı, Banqladeşli bankir Məhəmməd Yunus əmək fondundan 250 milyon taka (təxminən 2 milyon dollar) mənimsəməkdə ittiham olunub.
Sabaha-inamla.az rus mətbuatına istinadən xəbər verir ki, işdə iqtisadçı ilə yanaşı onun təsis etdiyi “Grameen Telecom” telekommunikasiya şirkətinin 13 əməkdaşı da var.
"Dhaka Tribune" qəzeti yazır ki, təqsirləndirilən şəxslər günahlarını etiraf etməyiblər. Məhkəmədən sonra Yunus ona qarşı irəli sürülən ittihamları “manipulyasiya” adlandırıb.
Növbəti məhkəmə iclası iyulun 15-nə təyin edilib.
Məhəmməd Yunus 2006-cı ildə iqtisadi inkişafla bağlı fəaliyyətinə görə Nobel Sülh Mükafatına layiq görülüb. O, mikrokreditin qabaqcıllarından hesab olunur: 1970-ci illərdə bankir Banqladeşdə kasıb insanlara girov və zamin olmadan, lakin biznesə başlamaq üçün vəsait yatırmaq şərti ilə kiçik kreditlər verməyə başladı.
2022-ci ildə Korrupsiyaya Qarşı Mübarizə Komissiyası Yunusun xeyriyyə fondları ilə bağlı araşdırmaya başlayıb.


Baxış sayı: 119


Bölməyə aid digər xəbərlər