Bütün xəbərlər
Polşada 160 ton Ukrayna taxılı məhv edilib
Tarix: 25-02-2024 21:22 | Bölmə: Dünya

Daha 160 ton Ukrayna taxılı Polşada məhv edilib.

Sabaha-inamla.az rus mətbuatına istinadən xəbər verir ki, bunu Ukraynanın ərazilərin icmalarının inkişafı və infrastruktur naziri Aleksandr Kubrakov deyib.
Rəsminin sözlərinə görə, taxıl Qdansk limanına, oradan isə başqa ölkələrə tranzitdə olub. Kubrakov X sosial şəbəkəsindəki səhifəsində qeyd edib ki, bu, Polşa dəmiryol vağzallarında dördüncü vandalizm hadisəsidir.
Bundan əvvəl Polşada etiraz edən fermerlər iki vaqon Ukrayna qarğıdalısını Medıka sərhəd-keçid məntəqəsində dəmiryol relslərinə töküblər. Belə ki, onlar Ukraynadan kənd təsərrüfatı məhsullarının tədarükünə etiraz ediblər. Fermerlər həmçinin Dorohuskda Ukrayna yük maşınlarından taxıl boşaldıblar.
Bu arada Ukraynanın xarici işlər naziri Dmitri Kuleba polşalı fermerlərin etirazlarında “Rusiya izini” görüb. Onun sözlərinə görə, Kiyev belə bir vəziyyətdə müttəfiqləri ilə birliyi qoruyub saxlamalıdır.




Baxış sayı: 69


Bölməyə aid digər xəbərlər