Bütün xəbərlər
İŞİD: İran bir həftə ərzində nüvə bombası yarada bilər
Tarix: 06-02-2024 13:22 | Bölmə: Dünya

İran cəmi bir həftə ərzində ilk nüvə silahını yaratmaq üçün kifayət qədər zənginləşdirilmiş urana malikdir.
Sabaha-inamla.az rus mətbuatına istinadən xəbər verir ki, Amerika Elm və Beynəlxalq Təhlükəsizlik İnstitutunun (İŞİD) hesabatına görə, İslam Respublikasına altı bomba yaratmaq üçün bir ay lazım olacaq.
Sənəddə qeyd olunur ki, İran yüksək zənginləşdirilmiş uran ehtiyatlarının yalnız bir hissəsindən (60%-ə qədər) istifadə edərək, qısa müddətdə “kiçik nüvə arsenalı üçün” kifayət qədər silah dərəcəli uran istehsal edə bilər. Eyni zamanda, Beynəlxalq Atom Enerjisi Agentliyinin (MAQATE) müfəttişləri üçün bu faktı tez bir zamanda müəyyən etmək çətin olacaq.
Ekspertlər həmçinin qeyd ediblər ki, İran uranın zənginləşdirilməsi imkanlarını fəal şəkildə genişləndirir. Bundan əlavə, bu ölkə nüvə silahını müxtəlif üsullarla, o cümlədən ballistik raketlərlə çatdıra bilər.
Fevralın 2-də MAQATE-nin rəhbəri Rafael Qrossi “The New York Times” qəzetinə müsahibəsində deyib ki, İran zənginləşdirilmiş uranın yığılmasını 60%-ə çatdırmaqda davam edir və bundan sonra zənginləşdirilməklə nüvə silahı yaratmaq üçün istifadə oluna bilər.


Baxış sayı: 83


Bölməyə aid digər xəbərlər