Bütün xəbərlər
Hindistanlı Bharat Forge Ermənistana haubitsa tədarük etmək planlarını təsdiqləyib
Tarix: 20-11-2023 09:18 | Bölmə: Dünya

Hindistanın aparıcı artilleriya sistemləri istehsalçısı Bharat Forge Ermənistana MArG 155 özüyeriyən haubitsaların tədarükü planlarını təsdiqləyib.
Sabaha-inamla.az rus mətbuatına istinadən xəbər verir ki, Hindistan İrəvan üçün müdafiə məhsullarının əsas təchizatçılarından birinə çevrilir. Indian Munitions India Limited Ermənistana qumbaraatan üçün 150 min 30 və 40 mm-lik patron tədarük etmək niyyətindədir.
İki ay əvvəl həmin şirkət artıq İrəvana 7,62 mm çaplı 5 milyon patron vermişdi. Bundan əlavə, noyabrda Ermənistan artıq Hindistanın “Zen Technologies” şirkəti ilə pilotsuz uçuş aparatlarından müdafiə sistemlərinin tədarükünə dair müqavilə imzalayıb. Müqavilənin dəyəri 41,5 milyon dollar qiymətləndirilir.
İrəvan və Dehli arasında müdafiə sahəsində əməkdaşlıq 2020-ci ildən fəal şəkildə inkişaf edir. Daha sonra İrəvan Hindistanda Ermənistan ordusu üçün dörd “Svati” mobil radar qurğusu alıb. 2022-ci ilin sentyabrında isə Ermənistan Hindistandan 245 milyon dollara döyüş sursatı, tank əleyhinə raketlər və “Pinaka” reaktiv yaylım atəşi sistemləri alıb.


Baxış sayı: 115


Bölməyə aid digər xəbərlər