Bütün xəbərlər
Təyyarə hissələrini satan iki rusiyalı həbs edilib
Tarix: 16-05-2023 22:23 | Bölmə: Dünya


ABŞ-da Rusiya Federasiyasının iki vətəndaşı həbs edilib, onlar ABŞ sanksiyalarından yayınaraq Rusiya aviaşirkətlərinə mülki təyyarələrin ehtiyat hissələrini satmağa cəhd etməkdə şübhəli bilinirlər.
Sabaha-inamla.az rus mətbuatına istinadən xəbər verir ki, Floridada yaşayan ruslar Oleq Patsulya və Vasili Besedin ABŞ-ın ixraca nəzarət qanunlarını pozmaqda və çirkli pulların yuyulmasını təşkil etməkdə ittiham olunurlar.
Müstəntiqlərin fikrincə, ruslar ən azı üç Rusiya aviaşirkətinə kommersiya təklifləri edib. Onlardan ikisi ABŞ Ticarət Nazirliyinin sanksiya siyahısındadır.
Bundan sonra Rusiya vətəndaşlarının ABŞ-dakı hesablarına külli miqdarda pul köçürülsə də, onlar təkcə ehtiyat hissələrinin alınmasına deyil, həm də şəxsi ehtiyaclarına sərf edilib. Məhkəmə materiallarına görə, bu pullar, xüsusən də bahalı avtomobil və dəniz gəmisi alınmasına sərf edilib.
Saxlanılanların özləri deyirlər ki, ehtiyat hissələri, o cümlədən "Boeing-737" təyyarələri üçün əyləc sistemləri Türkiyədə iki şirkətə verilməli idi. Lakin ola bilsin ki, onlar reseller kimi çıxış edə bilər, RİA Novosti qeyd edir.
"The New York Times"-ın məlumatına görə, ruslar ötən cümə axşamı, mayın 11-də saxlanılıb. Nəşr yazır ki, ABŞ, Rusiya və Türkiyədəki şirkətlər şəbəkəsi vasitəsilə təyyarələrin əyləc sistemləri üçün komponentlər 14,4 milyon dollara göndərilib.


Baxış sayı: 119


Bölməyə aid digər xəbərlər