09:10 / 18-07-2024
Bayden koronavirusa yoluxub
Bütün xəbərlər
ABŞ Şimali Koreyanı nüvə silahı ilə hədələyir
Tarix: 31-01-2023 12:59 | Bölmə: Dünya


Vaşinqton Pxenyana ABŞ-ın Cənubi Koreyanı qorumaq və qarşısını almaq üçün təkcə adi deyil, həm də nüvə silahlarından istifadə etmək öhdəliyinə sadiqliyini xatırlatmaq qərarına gəlib.
 Sabaha-inamla.az rus mətbuatına istinadən xəbər verir ki, bunu Seulda Cənubi Koreyanın milli müdafiə naziri Li Conq Sopla birgə mətbuat konfransında çıxış edən ABŞ-ın müdafiə naziri Lloyd Ostin deyib.
Pentaqonun rəhbəri vurğulayıb ki, 2022-ci ildə KXDR misli görünməmiş sayda təxribatlar törədib - söhbət ballistik və qanadlı raketlərin sınaqdan keçirilməsindən, eləcə də Cənubi Koreya ərazisi üzərində pilotsuz təyyarələrin buraxılmasından gedir. O qeyd edib ki, Vaşinqton Seulla birlikdə regionda sabitliyə xələl gətirən bu hərəkətləri pisləyir.
Nazir Cənubi Koreyadakı 28,5 min hərbçidən ibarət Amerika kontingentini də xatırladıb. Bu, ABŞ-ın xaricdəki ən böyük hərbi kontingentlərindən biridir. “Son il ərzində ölkələrimiz əməkdaşlığın dərinləşdirilməsində mühüm irəliləyiş əldə ediblər”, - Ostin əlavə edib.
Bu arada Cənubi Koreyanın xarici işlər naziri Park Çin çərşənbə günü ABŞ-a dörd günlük işgüzar səfərinə başlayır və bu səfər zamanı Vaşinqtonlu həmkarı Entoni Blinkenlə danışıqlar aparacaq. Cənubi Koreya Xarici İşlər Nazirliyinin məlumatına görə, xarici işlər nazirləri müttəfiqlik əlaqələrinin gücləndirilməsi və Şimali Koreyaya qarşı siyasətin daha sıx əlaqələndirilməsi yollarını müzakirə edəcəklər.


Baxış sayı: 141


Bölməyə aid digər xəbərlər