Bütün xəbərlər
Böyük Britaniya sanksiyalar siyahısını 22 nəfər artırıb
Tarix: 01-12-2022 01:44 | Bölmə: Dünya


Böyük Britaniyanın genişləndirilmiş sanksiya siyahısına 22 rusiyalı dövlət xadimi salınıb.

Sabaha-inamla.az rus mətbuatına istinadən xəbər verir ki,müvafiq sənəd Britaniya hökumətinin saytında yerləşdirilib. Orada bildirilir ki, Xarici İşlər Nazirliyinin rəhbəri Ceyms Kleverli Ukrayna ətrafındakı vəziyyətlə əlaqədar yeni məhdudiyyətlər paketi elan edib.
O cümlədən, sanksiyalar Rusiya Federasiyasının Sənaye və Ticarət Nazirliyinin rəhbəri, baş nazirin müavini Denis Manturov, Federal Penitensiar Xidmətin direktoru Arkadi Qostev, Mərkəzi Seçki Komissiyasının sədri Ella Pamfilova, eləcə də Rusiyanın bir sıra bölgələrində rəhbərlərə şamil edilir.
Ümumilikdə, hazırda 1,2 min fiziki və 120 hüquqi şəxs Böyük Britaniyanın anti-Rusiya sanksiyalarına məruz qalır.
Moskvanın fevralın 24-də Ukraynanın demilitarizasiyası və denazifikasiyası üçün hərbi xüsusi əməliyyata başladığını elan etdikdən sonra Qərb ölkələri Rusiyaya qarşı məhdudiyyətlər tətbiq etməyə başlayıb.


Baxış sayı: 61


Bölməyə aid digər xəbərlər