Bütün xəbərlər
İordaniya nəşri kolumbiyalı jurnalistin erməni dələduzluğu barədə məqaləsini yayımlayıb
Tarix: 29-07-2021 00:06 | Bölmə: Dünya


Kolumbiyalı jurnalist Roberto Tropaqo Ernandesin “Müharibəni maliyyələşdirmək üçün dələduzluq” sərlövhəli məqaləsi İordaniyanın “Əl Ənbat” qəzetində ərəb dilində dərc olunub.
AZƏRTAC xəbər verir ki, məqalədə erməni militarist dairələrin öz xalqını aldadaraq vətəndaşlardan müharibə üçün pul vəsaiti toplaması faktları diqqətə çatdırılıb. Müəllif yazıb: “Bu dairələr xarici ölkələrdə yaşayan erməniləri aldadırdılar ki, Ermənistandakı insanlar üçün ərzaq və digər zəruri mallar alınması məqsədilə ianə toplayırlar. Əslində, Ermənistan hökuməti erməni diasporu vasitəsilə yığılan bu vəsaiti silah-sursat alınması və Azərbaycana hücum etmək üçün muzdlu əsgərlərin tutulmasına sərf edir. Ona görə də xarici ölkələrdə yaşayan 8 milyondan çox erməni mənşəli insana düzgün məlumat vermək lazımdır. Bildirilməlidir ki, Ermənistan hökuməti onlara yalan məlumat verir. Ötən qış aylarında 73 ölkədə 170 milyon dollara yaxın vəsait yığılıb və bu dairələr hələ də pul tələb edirlər. Halbuki, keçən illər ərzində həyat şəraitinin ağır olması və iqtisadi böhranın dərinləşməsi səbəbindən Ermənistanın bir çox vətəndaşı ölkəni tərk etmək məcburiyyətində qalıb”.
Məqalədə vurğulanıb ki, bütün bu yalanların fonunda Ermənistan rəhbərliyi Azərbaycan ərazilərinin 20 faizini işğal etmiş və qondarma “Dağlıq Qarabağ respublikası” yaratmışdı. Ermənilər yurd-yuvalarından didərgin salınmış azərbaycanlıların evlərinə yerləşmişdilər. Nəhayət, Azərbaycan xalqının səbir kasası daşdı və müharibəyə başlayaraq erməni silahlı qüvvələrini, onların muzdlu əsgərlərini darmadağın etdi. Cəmi 44 gün davam edən müharibə nəticəsində Azərbaycan işğal altında olan torpaqlarını azad etdi, Ermənistan kapitulyasiyaya məcbur oldu. Beləliklə, ABŞ-da mənzil-qərargahı olan “Ayastan” erməni fondu başda olmaqla, erməni diaspor təşkilatlarının çirkin niyyətləri iflasa uğradı.




Baxış sayı: 294


Bölməyə aid digər xəbərlər