Küveytin elektron xəbər və qəzetləri Heydər Əliyevin anadan olmasının 98-ci ildönümü münasibətilə bir neçə məqalə yayımlayıb
Tarix: 11-05-2021 05:03 | Bölmə: Dünya
Küveytin elektron xəbər və qəzetləri Heydər Əliyevin anadan olmasının 98-ci ildönümü münasibətilə bir neçə məqalə yayımlayıb


Ümummilli Lider Heydər Əliyevin anadan olmasının
98-ci il dönümü münasibətilə, AR-in Küveytdəki Səfirliyi tərəfindən  
Küveyt KİV-dərc edilmiş məlumatlara dair
09-10 may 2021-ci il

 
Bildiririk ki, Küveytin “Dasmannews” və “Q8-press.com” elektron xəbərlər portallarının 09 may 2021-ci il tarixli buraxılışlarında, eyni zamanda “Əl-Nahar”, “Əl-Vasat” və “Əl-Cəridə” qəzetlərinin 10 may 2021-ci il tarixli buraxılışlarında Azərbaycan xalqının Ümummilli Lideri Heydər Əliyevin anadan olmasının 98-ci ildönümü münasibətilə “Azərbaycan Səfirliyi Ümummilli Lider Heydər Əliyevin doğum günü qeyd edir”, “Azərbaycan Respublikası Səfirliyinin Heydər Əliyevin anadan olmasının 98-ci il dönümü ilə bağlı Bəyanatı”, “Heydər Əliyev... Azərbaycan xalqının Ümummilli Lideri” başlıqlarında məqalələr nəşr etdirilmişdir.

Məqalələrdə, müasir müstəqil dövlətimizin qurucusu, xalqımızın müdrik rəhbəri, dünya şöhrətli siyasi xadim Ümummilli lider Heydər Əliyevin xalqımız qarşısındakı xidmətləri qeyd olunmuşdur. Ümummilli lider Heydər Əliyevin çox maraqlı, mürəkkəb, zəngin, keşməkeşli bir ömür yolu keçdiyi, həyatın bütün çətinliklərindən qalib çıxdığı, öz zəhməti, zəkası, fitri qabiliyyəti ilə ən yüksək zirvəyə yüksəldi vurğulanmışdır. Azərbaycançılıq məfkurəsinin parlaq daşıyıcısı kimi Ümummilli lider Heydər Əliyevin öz müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşdirilməsinə, müasir Azərbaycan dövlətinin qurulmasına və xalqımızın müstəqillik arzusuna çatmasına nail olduğu, məhz Heydər Əliyevin fəaliyyəti nəticəsində Azərbaycanın özünün geostrateji, iqtisadi və mədəni potensialından istifadə edərək Şərqlə Qərb arasında etibarlı körpü rolunu oynamağa başladığını və dünyanın ən dinamik inkişaf edən ölkələrindən birinə çevrildiyini bildirmişdir.

Məqalələrdə, həmçinin Heydər Əliyevin Azərbaycan Kommunist Partiyası Mərkəzi Komitəsinin birinci katibi vəzifəsində çalışdığı dövrdə Azərbaycanın iqtisadi-siyasi cəhətdən inkişaf edərək, SSRİ ölkələri arasında daha çox inkişaf edən ölkələrdən birinə çevrildiyi, Sovet İttifaqı Siyasi bürosunda yeganə müsəlman lider olan Ulu öndərin ərəb və islam dünyasının dostu kimi ərəb dünyası problemlərinin ədalətli həllinin əzmli tərəfdarı olduğu, onun Dövlət Təhlükəsizlik Komitəsində, Azərbaycanın Kommunist Partiyası Mərkəzi Komitəsinin birinci katibi və SSRİ-nin rəhbərlərindən biri kimi çalışdığı dövrlərdə tarixi fəaliyyəti, Heydər Əliyevin fəaliyyəti dövründə 1994-cü ilin mayında Ermənistan-Azərbaycan müharibəsində atəşkəsə nail olunduğu, Azərbaycan həqiqətlərinin, xüsusilə də Ermənistan-Azərbaycan, Dağlıq Qarabağ münaqişəsinin mahiyyətinin dünya ictimaiyyətinə çatdırıldığı qeyd olunmuşdur.
 
Həmçinin məqalələrdə, Ümummilli lider Heydər Əliyev tərəfindən Azərbaycanda həyata keçirilən uğurlu siyasətin nəticəsində ictimai, iqtisadi stabilliyə nail olunduğu və Azərbaycan iqtisadiyyatının inkişafında yeni mərhələnin başlandığı, Azərbaycanda iqtisadi və siyasi sahələrdəki inkişaf, eləcə də sosial problemlərin həllinin Azərbaycan xalqının lideri Heydər Əliyevin adı ilə bağlı olduğu, 1993-cü ildə Heydər Əliyev Azərbaycanın prezidenti seçilən zaman ölkə özünün ən ağır böhran vəziyyətini yaşadığı, lakin onun rəhbərliyi altında Azərbaycanın tezliklə iqtisadi böhrandan çıxmağı bacardığı və 1996-cı ildən etibarən isə ölkədə iqtisadiyyatının canlanma dövrünün başlandığı, iqtisadi islahatların ölkənin maliyyə vəziyyətinin yaxşılaşmasına təkan verdiyi, əsası Ümummilli Lider Heydər Əliyev tərəfindən qoyulan və onun rəhbərliyi ilə həyata keçirilən enerji sahəsindəki ölkənin milli strategiyası respublikanın ümumi inkişafında mühüm rol oynadığı, 1994-cü ilin sentyabr ayında 8 ölkədən olan 11 beynəlxalq neft şirkəti ilə Xəzər dənizinin Azərbaycana aid  hissəsindəki neft sektorunun işlənməsi və istismarını nəzərdə tutan “Əsrin Müqaviləsi”nin imzalandığı bildirilmişdir.

Göstərilənlərlə yanaşı Azərbaycanın bu gün Heydər Əliyev irsinin layiqli davamçısı İlham Əliyevin rəhbərliyi altında öz inkişaf dinamikasında heç bir zaman əldə etmədiyi yüksəlişlə irəlilədiyi, Azərbaycanın İlham Əliyevin uzaqgörən və müdrik xarici siyasəti nəticəsində iqtisadi və demokratik islahatlar sahəsində regionun lider ölkəsinə çevrildiyi, bu gün regionun bir çox məsələlərində həlledici rol oynadığı, öz uğurlarının və sərvətlərinin bəhrəsini regionda əməkdaşlıq etdiyi ölkələrlə də paylaşdığı oxucuların diqqətinə çatdırılmışdır.
 
https://www.aljarida.com/articles/1620575809945750800/
 
https://www.annaharkw.com/Article.aspx?id=903719&searchText=%D8%A3%D8%

B0%D8%B1%D8%A8%D9%8A%D8%AC%
D8%A7%D9%86&date=10052021
 
http://www.alwasat.com.kw/ArticleDetail.aspx?id=128232
 
https://www.q8-press.com/%d8%ad%d9%8a%d8%af%d8%b1-%d8%b9%d9%84%d9%8a%d9%8a%d9%81-%d8%a7%d9%84%d8%b2%d8%b9%d9%8a%d9%85-%d8%a7%d9%84%d9%82%d9%88%d9%85%d9%8a-%d9%84%d9%84%d8%b4%d8%b9%d8%a8-%d8%a7%d9%84%d8%a3%d8%b0%d8%b1%d8%a8/
 
https://dasmannews.com/2021/05/09/%d8%a8%d9%8a%d8%a7%d9%86-%d8%b5%d8%ad%d9%81%d9%8a-%d9%84%d8%b3%d9%81%d8%a7%d8%b1%d8%a9-%d8%ac%d9%85%d9%87%d9%88%d8%b1%d9%8a%d8%a9-%d8%a3%d8%b0%d8%b1%d8%a8%d9%8a%d8%ac%d8%a7%d9%86-%d8%a8%d9%85%d9%86/
 


Baxış sayı: 85


Bölməyə aid digər xəbərlər