Bütün xəbərlər
Fryazinoda baş verən yanğında iki nəfər ölüb
Tarix: 24-06-2024 18:26 | Bölmə: Cəmiyyət

Moskva yaxınlığındakı Fryazin şəhərində ofis binasında baş verən yanğın nəticəsində iki nəfər ölüb, təxminən 7 nəfər binada qalıb.
Sabaha-inamla.az rus mətbuatına istinadən xəbər verir ki, Əməliyyat xidmətlərinin TASS-a verdiyi məlumata görə, hazırda iki nəfərin yanğından xilas olmaq üçün binanın pəncərəsindən atıldığı məlumdur. Agentliyin mənbəsi əlavə edib ki, yanan binada təxminən 7 nəfər hələ də qalır.
Moskva vilayətinin qubernatoru Andrey Vorobyov öz Telegram kanalında yanğın yerində on iki təcili yardım briqadasının çalışdığını bildirib. Yanğınsöndürənlər yanğını söndürməyə davam edir. Yanğın sahəsinin 4 min kvadratmetrə qədər artdığı bildirilir.
Qeyd edək ki, “Ruselectronics” holdinqinin mətbuat xidməti Fryazinoda yanan binanın “Platan” Elmi-Tədqiqat İnstitutu ilə heç bir əlaqəsinin olmadığını bildirib.


Baxış sayı: 122


Bölməyə aid digər xəbərlər