02:57 / 08-04-2020
Ronaldinyo həbsdən çıxdı
DADP sədri:"Ermənilərin faşizmə, terrora meylli millət olduğunu dünyanın diqqətinə çatdırmaq vəzifəsi bizim üzərimizə düşür"
Tarix: 26-02-2020 14:02 | Bölmə: Siyasət
Demokratik Azərbaycan Dünyası Partiyasının (DADP) mərkəzi qərargahında Xocalı soyqırımının 28-ci ildönümünə həsr edilmiş anım tədbiri keçirilib.
DADP Mətbuat xidmətinin məlumatına görə, tədbirdə giriş sözü ilə çıxış edən partiyanın sədr müavini Telman Mirzəyev Xocalı soyqırımına həsr olunmuş tədbirlərin keçirilməsinin qan yaddaşımızın daim oyaq qalması üçün və gənc nəslin Xocalı soyqırımı ilə bağlı əsl həqiqətləri bilməsi baxımından vacibliyini qeyd edib.
Demokratik Azərbaycan Dünyası Partiyasının sədri, Qarabağ Müharibəsinin iştirakçısı Əlisahib Hüseynov öz çıxışında tarixi düşmənimiz olan ermənilərin Xocalı soyqırımını milli ədavət zəminində və öz qəsbkarlıqlarına haqq qazandırmaq məqsədilə törətdiklərini vurğulayıb və Xocalı faciəsinin sıradan bir müharibə faktı deyil, gerçək mənada soyqırımı olduğunu bildirib. Partiya sədri Ermənistanın terrorçu dövlət olduğunu xüsusi vurğulayıb və erməni səhra komandirlərinin 1992-ci il fevralın 26-da Xocalının dinc sakinlərini kütləvi şəkildə qırğına məruz qoymasını “əsrin cinayəti” adlandırıb. Əlisahib Hüseynov qeyd edib ki, 28 il bundan öncə Xocalıda baş verən dəhşətli qətliamın dünya ictimaiyyətinə olduğu kimi çatdırılması üçün Bakıda ayrıca olaraq "Xocalı şəhərciyi" yaradılmalı, erməni faşizmi əyani faktlarla ifşa olunmalıdır. DADP sədri bildirib ki, ermənilərin faşizmə, terrora meylli millət olduğunu dünyanın diqqətinə çatdırmaq vəzifəsi məhz bizim üzərimizə düşür.
Anım təbirində çıxış edən Qarabağ qazisi Ruzgar Əliyev, DADP sədrinin müavinləri Elşad Əliyev və Zəhra Aslanova, DADP sədrinin müşavirləri Esmira Şükürova, Nail Bağırzadə, Südabə Babazadə, ictimai fəallar Gülsüm Adilqızı, Kamran Orucov, Məzahir Təhməzov, Cəfər Abdullayev və digər natiqlər Xocalı soyqırımını törətdiyinə görə Ermənistanın sabiq prezidentlərinin beynəlxalq məhkəmə qarşısında cavab verməli olduğunu, həmçinin Xocalı faciəsinin qisasının döyüş meydanında alınmasının vacibliyini vurğulayıblar. Azərbaycanın güclü orduya malik olduğunu qeyd edən çıxışçılar Qarabağın tezliklə düşməndən azad ediləcəyinə inamlarını ifadə ediblər.
Sabaha-inamla.Az















Baxış sayı: 208


Bölməyə aid digər xəbərlər
19-03-2020, 20:06 Baş Nazir iclas keçirdi