23:50 / 18-03-2024
Prezident xalqı təbrik etdi
22:44 / 18-03-2024
Petr Yan sıradan çıxıb
Bütün xəbərlər
Olimpiadada ilk medalımızı qazanan İrina kimdir?
Tarix: 30-07-2021 18:55 | Bölmə: Sosial

                    Olimpiadada ilk medalımızı qazanan İrina kimdir?


Bu gün Azərbaycana Tokio-2020 Yay Olimpiya Oyunlarında ilk medalını qazandıran İrina Kindzerska ukraynalı milliləşdirilmiş idmançıdır.
“Qafqazinfo” xəbər verir ki, o, 2017-ci ildən Azərbaycan bayrağı altında beynəlxalq yarışlarda çıxış edir.
Kindzerska 1991-ci ildə Ukraynanın Xmelnitsk vilayətində dünyaya gəlib. Orada cüdo ilə məşğul olmağa başlasa da, sonradan yığma komandasını dəyişib və Azərbaycanın uğurları üçün çalışmağa başlayıb.
Kindzerska azərbaycanlı sabiq cüdoçu Həmid Əliyevin həyat yoldaşıdır.
Xanım idmançı Azərbaycan millisində bir sıra uğurlar əldə edib.



O, 2017-ci ildə keçirilən İslam Həmrəylik Oyunlarında gümüş medala sahib çıxıb. Daha sonra isə elə həmin il baş tutan dünya çempionatında bürünc medal qazanmağı bacarıb. 
İki il sonra-2019-cu ildə Minskdə keçirilən İkinci Avropa Oyunlarında fəxri kürsünün 3-cü pilləsində yer almağı bacarıb. Ötən il isə Avropa Çempionatında yalnız finalda uduzaraq “gümüş”ə sahib çıxıb. 
Kindzerska, həmçinin 2013-cü ildə Ukrayna yığması ilə Avropa bürünc”ünə sahib çıxıb.



İrina bir müddət əvvəl “Olimpiya dünya”sı qəzetinə verdiyi müsahibədə Azərbaycanın Vətən müharibəsində qazandığı qələbədən də söz açıb: “Azərbaycanın qazandığı bu tarixi qələbə məni həqiqətən də sevindirdi. Həyat yoldaşımla birgə qələbə xəbərini eşidəndə çox kövrəldik.
Bildiyiniz kimi, mənim həyat yoldaşım azərbaycanlıdır. O, mənə Azərbaycanın tarixi, əzəli torpaqları, həmçinin doğulduğu Cəbrayıl rayonu barədə çox məlumat verib.
Mən bu qələbə münasibəti ilə bütün Azərbaycan xalqını ürəkdən təbrik edirəm və Azərbaycanın günü-gündən daha da çiçəklənəcəyinə inanıram. Arzu edirəm ki, Olimpiya Oyunlarının qələbə sevincini Cəbrayılda qeyd edim”.







Baxış sayı: 374


Bölməyə aid digər xəbərlər