09:47 / 19-04-2025
Rusiya Daxili İşlər Nazirliyi: Fırıldaqçılar saxta foto çəkilişlər üçün reklamlardan istifadə edərək pul oğurlayırlar
09:42 / 19-04-2025
Tayvan, Tayvan boğazının orta xəttini keçən 13 Çin təyyarəsini aşkar edib
09:37 / 19-04-2025
Pakistan sakini: "Günəş panelləri quraşdırdıqdan sonra onun hesabı 3 dəfə azalıb"
09:33 / 19-04-2025
10-cu mərtəbədən yıxılan tikinti torunun sayəsində sağ qalıb
09:29 / 19-04-2025
Dövlət Departamenti: Avropa başa düşməlidir ki, ABŞ Ukraynada sülh axtarışını dayandıra bilər
09:22 / 19-04-2025
Vəkil Gürol: "Türkiyə fövqəladə vəziyyətdən sonra "Azimut"dan xərclər üçün təzminat tələb edə bilər
09:08 / 19-04-2025
Yeniyetmə qayadan yıxılaraq ölüb
23:31 / 18-04-2025
Naməlum silahlı şəxslər 11 xoruz döyüşçünü güllələyiblər
23:23 / 18-04-2025
Arxiyepiskop Markellin Moldovanı tərk edərək Müqəddəs Atəş üçün Yerusəlimə getməsinə icazə verilməyib
21:06 / 18-04-2025
Belçika Hərbi Dəniz Qüvvələrinin gəmisi Rusiya tədqiqat gəmisini izləyir
20:53 / 18-04-2025
42 yaşlı qadın ikili orqan transplantasiyasından sonra uşaq dünyaya gətirib
20:50 / 18-04-2025
Professor Fenenko hesab edir ki, amerikalılar Ukraynanı silahlandırmaqdan əl çəkməyəcəklər
20:44 / 18-04-2025
İstintaq Komitəsi: Moskvada 100 milyon rubl dəyərində keyfiyyətsiz dərmanlar müsadirə edilib
20:35 / 18-04-2025
Lisey şagirdi müəllimənin əlindən dişləyib, ona tibbi yardım lazım olub
20:32 / 18-04-2025
Narışkin: "Qərb Əfqanıstanda qeyri-sabitliyi qorumağa çalışır"
10:56 / 18-04-2025
Cənubi Qafqazın sabitliyinin təmin olunmasında Azərbaycan-Gürcüstan əlaqələrinin rolu-Səyavuş Qasımov
10:27 / 18-04-2025
Kolumbiyanın şimalında naməlum şəxslər neft boru kəmərini partladıb, sızma meydana gəlib
10:11 / 18-04-2025
Bazarda baş verən yanğında 6 nəfər xəsarət alıb
10:08 / 18-04-2025
Üç öldürülmüş uşağın atası dördüncü uşağa işgəncə verdiyinə görə həbs edilib
10:01 / 18-04-2025
Baş verən yanğında 3 nəfər xəsarət alıb
09:57 / 18-04-2025
Məhkəmə psixiatrın hökmünü ləğv edib
09:50 / 18-04-2025
Yanacaq tankerinin qəzaya uğraması nəticəsində 14 ton yanacaq yerə tökülüb
09:46 / 18-04-2025
Kabulov: "KazanForum çərçivəsində böyük Rusiya-Əfqanıstan biznes forumu keçiriləcək"
09:43 / 18-04-2025
10 yaşlı qız yoxa çıxıb
09:38 / 18-04-2025
Skynews: "Paris Ukrayna danışıqlar prosesinə qoşulduğunu elan etdi"
00:01 / 18-04-2025
Miraslan Rasimi də itirdik-Namiq MƏMMƏDLİ
23:03 / 17-04-2025
Rusiyanın Kabildəki səfiri Ali Məhkəmənin Talibanla bağlı qərarını mühüm addım adlandırıb
22:38 / 17-04-2025
Uşakov: "Rusiya enerji obyektlərinə zərbələrə moratoriumun qoyulması ilə bağlı vəziyyəti ABŞ-a deyəcək"
22:34 / 17-04-2025
Tramp bu həftə Ukraynada atəşkəslə bağlı Rusiyadan cavab alacağını gözləyir
22:28 / 17-04-2025
Florida Universitetində atışma nəticəsində 5 nəfər ölüb
22:26 / 17-04-2025
Pasxa bayramı üçün Rusiyaya getmək istəyənlərin növbələri yaranıb
22:21 / 17-04-2025
İHA hücumlarının videolarının çəkilişi və yayımlanması qadağan edilib
22:14 / 17-04-2025
Naməlum şəxs ticarət mərkəzində atəşfəşanlıq edib
22:09 / 17-04-2025
Uşaq bağçasında kütləvi bağırsaq infeksiyasından sonra iş açılıb
22:05 / 17-04-2025
Səfir Jirnov Əfqanıstanda terrorizmlə mübarizəni nümunəvi adlandırıb
22:00 / 17-04-2025
Qapalı şəhərin meri həbs edilib
Gövhər Həsənzadə: “Sənətdə çox səviyyəsiz rəqabətlər var” -MÜSAHİBƏ
Tarix: 10-01-2018 00:13 | Bölmə: Müsahibə
Sabaha-inamla.Az Əməkdar artist, bəstəkar Gövhər Həsənzadənin APA-ya istinadən müsahibəsini təqdim edir
- Gövhər xanım, həmkarlarınızı daha çox xırda ailə-məişət problemləri narahat edirsə, siz əksinə, cəmiyyətdə mütaliə mədəniyyətinin aşağı olmasının, intellektual naqisliyin davasını edirsiniz. Görünür, elə buna görə hər şeydən narazı görkəminiz var...
- Səmimi olmağım, adamlar tərəfindən çox hallarda başa düşülməməyim həyatıma problem yaradır. Bunu gizlətmirəm. İllər mənə onu öyrətdi ki, insanlara axıra qədər açıq olma, özünü adamlardan gözlə. Mən tənhalığa həmişə nifrət etmişəm. Amma həyat elə gətirdi ki, çətin də olsa, bunu seçdim, özümə qapandım. Cəmiyyətdə məni başa düşən, fikirlərimi bölüşənlər yoxdursa, deməli, təkəm, bura aid deyiləm. Başqa necə ola bilər? Tapına biləcəyim insanlar illərlə azaldı və özümə qapandım. Bunun səbəblərindən biri də atamı itirməyim oldu. Ondan sonra dünyanın faniliyini dərk elədim. Anladım ki, bu dünya nə əvvəldir, nə son.
Sadəcə, burdan keçib başqa yerə gedirik. Dinlə, fəlsəfə ilə, mistika ilə maraqlandım, çoxlu şeylər oxudum. Məsələn, din mənim üçün çox ciddi elmdir. Ən mürəkkəb sualların cavabını İslam dinində tapıram. İslam elmini tam anlamağa ömrüm yetməz. Çalışıram ki, adətlərinə də riayət edim.
- Məsələn, namaz, oruc, zəkat... Yerinə yetirirsiniz?
- Etiraf edim ki, bunları etmək üçün mənən hazır deyiləm. Onları fiziki olaraq yerinə yetirməyin tərəfdarı deyiləm. Namazın, orucun, Həcc ziyarətinin mənası mənim üçün daha dərin, daha böyükdür. Bunları yerinə yetirmək üçün mükəmməl olmaq lazımdır. “Şərtləri yerinə yetirərəm ki, günahlarım bağışlansın” fəlsəfəsi ilə yaşaya bilmərəm. Ruh, ezoterika, mistik dünya mənim üçün...
- Sözünü kəssəm də, soruşum: belə dərin məsələlər haqqında müğənnilərlə də danışırsınız? O müğənnilər ki, əksəriyyəti sizin dostlarınızdır və həyat fəlsəfələri geyinmək, yeməkdən ibarətdir...
- Xahiş edirəm, siz onları bu cür qiymətləndirməyin. Elə düşünməyin ki, özlərini şou-biznesə qurban veriblərsə, deməli, içləri boşdur. Xeyir! Onlar bəsit deyillər. Onların əksəriyyəti dərin fəlsəfi düşüncələrə malik insanlardır. Kitab oxuyanı, kinoya, teatra gedənləri var.
“Özlərini şou-biznesə qurban verənlərin içi boş deyil”
İradə İbrahimova, Faiq Ağayev, Samir Piriyev, Kərim Abbasov... Bunlar kitab oxuyurlar, çox maraqlı şəxsi düşüncələri var. Mən düşünmürəm ki, Nadir Qafarzadə oxumur. Nadir öz üzərinə çox çalışır.
- Nadir Qafarzadəni bu yaxınlarda Akademik Milli Dram Teatrında gördüm. Dəqiq xatırlamıram, ya “Ölülər”ə, ya “Cəhənnəm sakinləri”nə baxmağa gəlmişdi. Düzünü deyim, təəccübləndim...
- Niyə təəccüblənirsiniz? Nadir Qafarzadə özünü hər zaman inkişaf etdirir.
- Bir dəfə verilişdə demişdi ki, mənim də soyuducuma baxın, kitab oxuyanların da...
- İnsanın özünü təkmilləşdirməsindən gözəl nə var? Əlbəttə, Faiq Ağayev bu siyahıda birincidir. Sənəti təqdim etmək üçün həyatı dərk etməlisən. Sənətçinin fəlsəfəsi yoxdursa, uğur qazana bilməyəcək. Həyat davam edir, fikirlər, baxışlar dəyişir.
Məsələn, köhnə mahnılarıma qulaq asıb öz-özümə deyirəm ki, sözdən çox istifadə etmişəm. Vaxtilə mənə deyirdilər, razılaşmırdım, deyirdim, mənim fikrim aksiomadır. Amma qüsursuzluq yalnız ilahi dərgahda olur. Bu dünyada hər kəsin dediyi sözə, etdiyi əmələ görə qüsuru ola bilər. Belə şeylərə görə insanları ittiham etməyək. Gəlin, biz bəstəkarlıqdan, musiqidən, gözəllikdən danışaq. Ruhun varlığına inandığım üçün hər zaman düşünmüşəm ki, Nizaminin, Füzulinin, Sebastyan Baxın, Da Vinçinin əsərlərini adi insanlar yarada bilməz. Bunun üçün qeyri-adi, gözəl ruh olmalıdır.
- Sizin Şərq ritmləri üstündə müzikl layihəniz var, nə yerdədir?
- Həmin müzikl şərti olaraq “Yaradanlar və yaşadanlar” adlanır. Vaxtı çatanda, inşallah o layihəni reallaşdıracağam. Dünya dörd ünsür üstündə qurulub. Mənim əsərim də bu haqdadır. Həmin musiqidən iki-üç elementi çıxarıb mahnı kimi istifadə etmişəm.
- Sizin ilk ixtisasınızı vikipediya rejissor kimi təqdim edir...
- Mənə deyiblər bu haqda. Düzgün məlumat deyil, açığı, ardınca düşüb düzəltdirməmişəm. Mən 2 nömrəli Musiqi Məktəbinin piano sinfini bitirmişəm. Əllərimin, barmaqlarımın ölçüsünə baxanda görünür ki, pianoçu deyiləm. Amma əla qiymətlərlə bitirmişəm. Sonra Asəf Zeynallı adına musiqi kollecində musiqi nəzəriyyəsi və tarixi üzrə təhsil aldım. Daha sonra Konservatoriyanın bəstəkarlıq şöbəsinə daxil oldum. Bəxtim gətirdi ki, Cövdət Hacıyevin sinfinə düşdüm. Beş ildə çox ciddi rejimdə təhsil aldım. Çünki Cövdət müəllimin zəhmi çox böyük idi. 1993-cü ildə təhsilimi bitirən kimi məni Heydər Əliyev Sarayında bədii işlər üzrə rejissor və bədii rəhbər vəzifəsinə təyin etdilər. 23 yaşım var idi.
“İllər boyu yığdığım təcrübəmi sərf etməyə arena yoxdur”
Tədbir təşkilatçısı kimi o qədər aktiv idim, məni rejissor kimi yadda saxladılar. Çünki təhsilim, mütaliəm imkan verirdi ki, tədbirləri düzgün, maraqlı qurum. Yubiley gecəsinə quruluş verdiyim insanlar razı qalırdılar. İndi illər boyu yığdığım təcrübəmi sərf etməyə arena yoxdur. İndiki gənclər kitab oxumur, onların zövqləri məni çox narahat edir. Oxumaq istəyən adam istədiyini hər yerdə tapa bilər. Öyrənmək istəmirlər, maraqlanmırlar. Ailələrin dağılması, cinayətlər, cinsi azlığa meylilik, əsl dinin bir kənarda qalıb zərərli sektalara qoşulmağın bircə səbəbi var: insanların daxilində olan boşluq. Həmin boşluğu doldurmaq lazımdır. Allah dünyanı sevgidən yaradıbsa, biz niyə ondan imtina edək? Sevgini sekslə, ehtirasla, şəhvətlə niyə qarışdırırlar? Bütün bunlar sevginin vasitəçiləridir. Həyatda sevgin yoxdursa, heç olmasa, onu kitablarda axtar. Bəzən gənclər bunu da etmirlər.
- Musiqinin tədrisi və son vaxtlar bəstələnən mahnılarla bağlı tənqidlər səslənir. Nə düşünürsünüz bu haqda?
- Musiqinin tədrisində heç bir problem yoxdur. Proqram mükəmməlləşib ki, geriyə getməyib. Oxuyan, axtaran, inkişaf etmək istəyən adam üçün heç bir çətinlik yoxdur. Problem musiqinin düzgün təbliğindədir. Azərbaycan bəstəkarlarının dünya musiqisinə verdiyi töhfələr çox böyükdür. Azərbaycan peşəkar musiqisinin banisi Üzeyir Hacıbəyov dünyada ilk və yeganə olan “Leyli-Məcnun” muğam-operasını dünyaya bəxş edib. Biz öz dəyərlərimizin düzgün təbliğatını qurmalıyıq. Sənətdə çox səviyyəsiz rəqabətlər var. Sənətdən başqa hər şeyin rəqabətini aparırlar.
- Söhbət estradadan gedir, yoxsa simfonik musiqi sahəsinə də aiddir?
- Daha çox estradada. Ciddi musiqimizdə olan insanlarımız maddi məsələlər üzündən məcbur olub estradaya yönəlirlər. Çünki onların simfonik musiqidəki gözəl yaradıcılığı itir.
- Çünki simfonik musiqiyə yaxşı qonorar verilmir...
- Gəlin pul verilsin deyə, onları təbliğ edək. Hamı öz üzərinə düşəni etsə, belə olmaz. On milyonluq ölkənin bəstəkarlarını dünyanın böyük ölkələrinin sənətçiləri kimi böyük vəsaitlə təmin edə bilmərik. Çünki tamaşaçımız azdır. Türkiyədə bir disk 200-300 min nüsxə buraxılır.
“Məni başa düşən yoxdursa, deməli, təkəm”
Bizdə isə 2000 nüsxə buraxılır, 500-600 disk əlimizdə qalır, hədiyyə edirik. Bu, bazar qanunlarıdır və heç kimi qınamaq olmaz. Təkcə yaxşı musiqilərimiz yox, yaxşı kitablarımız da var. Onları niyə təbliğ etmirik? Amerikada, Avropada kitab yazılır, müəllifi olur milyonçu. Ona görə yox ki, oxumuruq. Vallah, bizim insanlar hamıdan çox oxuyar. Sadəcə, məhsul onun əlinə çatmalıdır. Televiziyalar bu işdə bizə kömək etməlidirlər.
- Bilirsiniz ki, televiziyalar da bunu etmirlər. Və bunu bilə-bilə deyirsiniz...
- Mən nə edə bilərəm? Gücüm ancaq xahiş etməyə çatar. Məsələn, mənim musiqim təbliğ olunmur. Və düşünürəm ki, Gövhər Həsənzadənin təbliği üçün reklama ehtiyac yoxdur. Çünki hərə bir cür məni yadında saxlayıb. Veriliş aparmağa, yaradıcılıq gecəmi keçirməyə ehtiyacım yoxdur. Çünki mən işimin hambalıyam. İşim mahnı yazmaqdırsa, deməli, öz işimlə məşğul olmalıyam. Diş həkimi deyiləm ki, musiqi yazmağımla qürrələnim.
“Veriliş aparmağa, yaradıcılıq gecəmi keçirməyə ehtiyacım yoxdur”
Ədəbiyyatı təbliğ etmək istəyiriksə, bəlkə tender elan olunsun, kiçik hekayələrə filmlər çəkilsin? Və həmin filmlər kanallarda nümayiş olunsun?
- Bu cür düşünəndə heç özünüz-özünüzə demirsiniz ki, çox sadəlövhəm...
- Yox, demirəm, sadəlövh də deyiləm. Bunu hamıya danışmışam, sizə də deyim. Yazmasanız da olar. Samir Cavadzadə “Eurovision” üçün seçim turlarına müəyyən səbəblərdən iştirak edə bilmədi, Elnur Hüseynov yekdilliklə qəbul olundu və ikisindən duet hazırlayıb yarışmada iştirak etdik. Hazırlıq prosesini şəraitsiz studiyada aparırdıq. İşıq yox, hava soyuq, küçədən-svetofordan işıq çəkmişik ki, üç günə mahnını hazırlayıb göndərək. Elnurla Samir ac-susuz oturublar, görürəm, öz aralarında nə isə pıçıldaşırlar. Bu söhbətdən xeyli keçdi. Biz Andorra şəhərində promo-turda olanda qapı döyüldü, girdilər içəri. Samir dedi ki, yadındandır, biz soyuq studiyada oturanda sən əsəbi idin, üstümüzə qışqırdın ki, orda nə qeybət edirsiniz? Bilirsiniz, orda nədən danışırdıq? Samir dedi ki, Elnur, Gövhər xanım dəlidir, anormaldır? Svetofordan çəkilən elektriklə mahnı yazırıq, belə vəziyyətdə, bu şəraitdə biz heç Azərbaycana çıxa bilmərik e, nəinki “Eurovisiona”? Samir də deyib ki, tapşırıqdır, ona görə yerinə yetirir. Amma darıxma, bu dəli qadın nə istəyir, onu da edir. O, bizi “Eurovision”a çıxaracaq. Bu misalı ona görə çəkdim ki, inanmaq, risk etmək, əziyyət çəkmək lazımdır. Onda insan hər şeyə nail olur.
- Birincilikdən sonra ifaçılarımız nəyə görə böyük mənada uğur qazana bilmədilər?
- Birinci olmağımız böyük uğur idi. İlk dəfə “Eurovision”a gedəndə yaxşı mənada hücuma keçmişdik. Ora çox layiqli getmişdik. Həmin əsəri dörd-beş versiyada yaratmışdım. Hansı getsəydi, qəbul olunacaqdı. Biz ora gedəndə müasir Azərbaycanın səsini, nəfəsini aparmışdıq. Demək istəyirdik ki, biz sizdən yaxşı inkişaf etmişik, tariximiz-mədəniyyətimiz sizdən də qədimdir. Sonralar mən bu işə cəlb olunmadım.
- Səbəb nə idi?
- Biz özümüzü layiqincə təmsil etdik. Sonradan Avropa tamaşaçısının SMS-ni yığacağı mahnılar seçdilər. Çünki günün tələbi və tapşırığı başqa idi. Ona görə xarici bəstəkarlarla işlədilər. Mən yenə mahnı yazsaydım, mürəkkəb olacaqdı. Avropa tamaşaçısının zövqü isə tamam başqa idi.
- Musiqi sahəsindəki layihələr böyük pullar tələb edir. Maddi vəziyyətinizlə, planlarınız üst-üstə düşür.
- Planlarımla maddi vəziyyətimin üst-üstə düşməyi üçün onlar bir cığırda görüşməlidirlər. (Gülür). Onlar bir-birini uzaqda-uzağa da görmürlər. Sual verə bilərsiniz ki, haradan qazanıram? Türkiyədə mahnılarım satılır, ifa olunanda faizləri gəlir. Sıxıntım olanda pulu oradan çıxarıram. Azərbaycanda isə o faiz çox cüzidir. İlin axırına 100-120 manat qonorar alıram. Türkiyə vətəndaşı olsaydım, mənim orda çox yaxşı imkanlarım olardı. Şükürlər olsun, Allah mənə istedadla bərabər, gözütoxluq da verib. Şübhəsiz ki, mənim də sıxıntılarım olur. Hətta Türkiyəyə getmək istəyəndə, hesablayıram ki, nə vaxt getmək imkanım olar. Dəbə, brend paltarlara, qonaqlıqlara həvəsim yoxdur, heç vaxt da olmayıb. Ona görə də rahat yaşaya bilirəm. Bir şey ki ayağa geyilir, murdar yerə dəyir, mən ona nəyə görə min manat pul verməliyəm? Bir dəfə evə gec getdim. İtimiz boğaz idi, yemi də qurtarmışdı.
“Brend mağazalarım var idi, onlardan imtina etdim”
Getdim marketə ki, borş üçün sümük satırlar. Dedim, onu çəkin itə aparacağam. Sonra düşündüm ki, Gövhər, sən nə edirsən? İnsanın uşaqlarına yemək üçün aldığını sən itə verirsən? Satıcıya dedim, o sümükləri boşalt yerinə, itə isladıb quru çörək verərəm.
- Sizin doğrudan brend mağazalarınız olub, imtina etmisiniz?
- Bəli. İtaliya brendlərinin satıldığı mağazalarım olub. Sonra imtina etdim. Mağazanın biri Qış Parkına yaxın ərazidə, o biri də bulvar tərəfdə idi. İkincinin heç təmirinə başlamadım. İmkanlı dostlarım demişdilər ki, tanınmış adamsan, dünyanın hər yerində məşhurların brend mağazası olur. Mallar gəldi, cib dəsmalının birini çıxarıb qiymətinə baxmaq istədim. Nə qədər olsa, yaxşıdır? 225 avro. Dəsmalı atdım havaya, əlimdə bir o tərəfə, bir bu tərəfə çevirdim və işçilərə dedim ki, bu nədir ki, qiyməti 225 avro olsun? Zəng vurub dedim, mən belə dəyərlərlə yaşaya bilmirəm. Sən demə, gözləyənlər olub, imtina edən kimi başqası götürdü.
- Gəlin, bir az da ədəbiyyatdan danışaq. Kimləri oxuyursunuz?
- Mən ziyalı ailədə böyümüşəm. Orta məktəbdə, gənclik illərində hansı yazıçılar oxunmalıdırsa, hamısını oxumuşam. Bəlkə sizə gülməli gələcək, amma bir vaxtlar Mopassana aludə olmuşdum. Sonra Artur Konan Doylu çox oxumağa başladım. Bir zamanlar şeirləri çox oxuyurdum, sonra gözümdən düşdü. Son vaxtlar Hind fəlsəfəsi ilə yaxından maraqlanıram, reinkarnasiya, mistika məni özünə çox çəkir. Vaxtilə hamı sevgi romanlarını çox oxuyanda mən onlara həvəs göstərməmişəm. Məsələn, “Yad qızı”, “İtkin gəlin”... həvəsində olmamışam. Cəfər Cabbarlının pyeslərini, “Hophopnamə”ni, “Dəli Kürü, “Böyük dayaq” oxumuşam, çox sevmişəm. Xoşbəxt insanam ki, çox böyük adamların əhatəsində böyümüşəm.
“Hamı sevgi romanlarını oxuyanda, mən həvəs göstərməmişəm”
Mirzə İbrahimov həm qonşumuz idi, həm də dayımın qayınatası. İsmayıl Şıxlı, Əli Vəliyev, Qılman İlkin, Fuad Qasımzadə, Teymur Bünyadov, Maqsud İbrahimbəyov, Eldar Quliyev qonşumuz olub. Dilçi alim Tofiq Hacıyev anamın bibisi oğludur. Fikrət Qocanın qızı Pərvanə əmimin yoldaşıdır. Heyf Yalçından, çox heyf. Onun kimi mərd, gözəl insanın ölümü məni çox sarsıtdı. İndi Elçin Şıxlı ilə çox yaxınam, çox savadlı, dəyərli insandır. Sonra nə danışım? Atam Sudeyf Həsənov Bakı Seysmik İdarəsinin rəisi idi. İxtisası fizik olsa da, ədəbiyyatı, dini, “Quran”ı əzbər bilirdi. Anam Afəridə Həsənova filoloqdur, şairədir. Yəni belə ailədə böyümüşəm. Babalarımdan biri Mərkəzi Komitənin ikinci katibi olub, Mircəfər Bağırovla bir yerdə çalışıb.
- Sonralar Mircəfər Bağırovda nə danışırdı?
- Bağırov haqqında ancaq gözəl şeylər danışırdı.
- Qorxurdu, ona görə?
- Ooo... Babamın qorxusu onun övladlarına da keçmişdi. Camaat rüşvət alanda da bizim qohumlar deyirdilər ki, rüşvət almaq olmaz. Ona görə bir az geri qaldıq. (Gülür). Bir dəfə babam danışırdı ki, Mircəfər Bağırov kolxoz sədrini çağırdı kabinetə, sübut elədi ki, sən sıravi kolxoz işçisinin maaşından 15 qəpik götürmüsən. Sonra bizi yığdı kabinetə, həmin adamı gözümüzün qabağında güllələdi...
Baxış sayı: 1 208
Bölməyə aid digər xəbərlər
Tarix: 10-01-2018 00:13 | Bölmə: Müsahibə
Sabaha-inamla.Az Əməkdar artist, bəstəkar Gövhər Həsənzadənin APA-ya istinadən müsahibəsini təqdim edir
- Gövhər xanım, həmkarlarınızı daha çox xırda ailə-məişət problemləri narahat edirsə, siz əksinə, cəmiyyətdə mütaliə mədəniyyətinin aşağı olmasının, intellektual naqisliyin davasını edirsiniz. Görünür, elə buna görə hər şeydən narazı görkəminiz var...
- Səmimi olmağım, adamlar tərəfindən çox hallarda başa düşülməməyim həyatıma problem yaradır. Bunu gizlətmirəm. İllər mənə onu öyrətdi ki, insanlara axıra qədər açıq olma, özünü adamlardan gözlə. Mən tənhalığa həmişə nifrət etmişəm. Amma həyat elə gətirdi ki, çətin də olsa, bunu seçdim, özümə qapandım. Cəmiyyətdə məni başa düşən, fikirlərimi bölüşənlər yoxdursa, deməli, təkəm, bura aid deyiləm. Başqa necə ola bilər? Tapına biləcəyim insanlar illərlə azaldı və özümə qapandım. Bunun səbəblərindən biri də atamı itirməyim oldu. Ondan sonra dünyanın faniliyini dərk elədim. Anladım ki, bu dünya nə əvvəldir, nə son.
Sadəcə, burdan keçib başqa yerə gedirik. Dinlə, fəlsəfə ilə, mistika ilə maraqlandım, çoxlu şeylər oxudum. Məsələn, din mənim üçün çox ciddi elmdir. Ən mürəkkəb sualların cavabını İslam dinində tapıram. İslam elmini tam anlamağa ömrüm yetməz. Çalışıram ki, adətlərinə də riayət edim.
- Məsələn, namaz, oruc, zəkat... Yerinə yetirirsiniz?
- Etiraf edim ki, bunları etmək üçün mənən hazır deyiləm. Onları fiziki olaraq yerinə yetirməyin tərəfdarı deyiləm. Namazın, orucun, Həcc ziyarətinin mənası mənim üçün daha dərin, daha böyükdür. Bunları yerinə yetirmək üçün mükəmməl olmaq lazımdır. “Şərtləri yerinə yetirərəm ki, günahlarım bağışlansın” fəlsəfəsi ilə yaşaya bilmərəm. Ruh, ezoterika, mistik dünya mənim üçün...
- Sözünü kəssəm də, soruşum: belə dərin məsələlər haqqında müğənnilərlə də danışırsınız? O müğənnilər ki, əksəriyyəti sizin dostlarınızdır və həyat fəlsəfələri geyinmək, yeməkdən ibarətdir...
- Xahiş edirəm, siz onları bu cür qiymətləndirməyin. Elə düşünməyin ki, özlərini şou-biznesə qurban veriblərsə, deməli, içləri boşdur. Xeyir! Onlar bəsit deyillər. Onların əksəriyyəti dərin fəlsəfi düşüncələrə malik insanlardır. Kitab oxuyanı, kinoya, teatra gedənləri var.
“Özlərini şou-biznesə qurban verənlərin içi boş deyil”
İradə İbrahimova, Faiq Ağayev, Samir Piriyev, Kərim Abbasov... Bunlar kitab oxuyurlar, çox maraqlı şəxsi düşüncələri var. Mən düşünmürəm ki, Nadir Qafarzadə oxumur. Nadir öz üzərinə çox çalışır.
- Nadir Qafarzadəni bu yaxınlarda Akademik Milli Dram Teatrında gördüm. Dəqiq xatırlamıram, ya “Ölülər”ə, ya “Cəhənnəm sakinləri”nə baxmağa gəlmişdi. Düzünü deyim, təəccübləndim...
- Niyə təəccüblənirsiniz? Nadir Qafarzadə özünü hər zaman inkişaf etdirir.
- Bir dəfə verilişdə demişdi ki, mənim də soyuducuma baxın, kitab oxuyanların da...
- İnsanın özünü təkmilləşdirməsindən gözəl nə var? Əlbəttə, Faiq Ağayev bu siyahıda birincidir. Sənəti təqdim etmək üçün həyatı dərk etməlisən. Sənətçinin fəlsəfəsi yoxdursa, uğur qazana bilməyəcək. Həyat davam edir, fikirlər, baxışlar dəyişir.
Məsələn, köhnə mahnılarıma qulaq asıb öz-özümə deyirəm ki, sözdən çox istifadə etmişəm. Vaxtilə mənə deyirdilər, razılaşmırdım, deyirdim, mənim fikrim aksiomadır. Amma qüsursuzluq yalnız ilahi dərgahda olur. Bu dünyada hər kəsin dediyi sözə, etdiyi əmələ görə qüsuru ola bilər. Belə şeylərə görə insanları ittiham etməyək. Gəlin, biz bəstəkarlıqdan, musiqidən, gözəllikdən danışaq. Ruhun varlığına inandığım üçün hər zaman düşünmüşəm ki, Nizaminin, Füzulinin, Sebastyan Baxın, Da Vinçinin əsərlərini adi insanlar yarada bilməz. Bunun üçün qeyri-adi, gözəl ruh olmalıdır.
- Sizin Şərq ritmləri üstündə müzikl layihəniz var, nə yerdədir?
- Həmin müzikl şərti olaraq “Yaradanlar və yaşadanlar” adlanır. Vaxtı çatanda, inşallah o layihəni reallaşdıracağam. Dünya dörd ünsür üstündə qurulub. Mənim əsərim də bu haqdadır. Həmin musiqidən iki-üç elementi çıxarıb mahnı kimi istifadə etmişəm.
- Sizin ilk ixtisasınızı vikipediya rejissor kimi təqdim edir...
- Mənə deyiblər bu haqda. Düzgün məlumat deyil, açığı, ardınca düşüb düzəltdirməmişəm. Mən 2 nömrəli Musiqi Məktəbinin piano sinfini bitirmişəm. Əllərimin, barmaqlarımın ölçüsünə baxanda görünür ki, pianoçu deyiləm. Amma əla qiymətlərlə bitirmişəm. Sonra Asəf Zeynallı adına musiqi kollecində musiqi nəzəriyyəsi və tarixi üzrə təhsil aldım. Daha sonra Konservatoriyanın bəstəkarlıq şöbəsinə daxil oldum. Bəxtim gətirdi ki, Cövdət Hacıyevin sinfinə düşdüm. Beş ildə çox ciddi rejimdə təhsil aldım. Çünki Cövdət müəllimin zəhmi çox böyük idi. 1993-cü ildə təhsilimi bitirən kimi məni Heydər Əliyev Sarayında bədii işlər üzrə rejissor və bədii rəhbər vəzifəsinə təyin etdilər. 23 yaşım var idi.
“İllər boyu yığdığım təcrübəmi sərf etməyə arena yoxdur”
Tədbir təşkilatçısı kimi o qədər aktiv idim, məni rejissor kimi yadda saxladılar. Çünki təhsilim, mütaliəm imkan verirdi ki, tədbirləri düzgün, maraqlı qurum. Yubiley gecəsinə quruluş verdiyim insanlar razı qalırdılar. İndi illər boyu yığdığım təcrübəmi sərf etməyə arena yoxdur. İndiki gənclər kitab oxumur, onların zövqləri məni çox narahat edir. Oxumaq istəyən adam istədiyini hər yerdə tapa bilər. Öyrənmək istəmirlər, maraqlanmırlar. Ailələrin dağılması, cinayətlər, cinsi azlığa meylilik, əsl dinin bir kənarda qalıb zərərli sektalara qoşulmağın bircə səbəbi var: insanların daxilində olan boşluq. Həmin boşluğu doldurmaq lazımdır. Allah dünyanı sevgidən yaradıbsa, biz niyə ondan imtina edək? Sevgini sekslə, ehtirasla, şəhvətlə niyə qarışdırırlar? Bütün bunlar sevginin vasitəçiləridir. Həyatda sevgin yoxdursa, heç olmasa, onu kitablarda axtar. Bəzən gənclər bunu da etmirlər.
- Musiqinin tədrisi və son vaxtlar bəstələnən mahnılarla bağlı tənqidlər səslənir. Nə düşünürsünüz bu haqda?
- Musiqinin tədrisində heç bir problem yoxdur. Proqram mükəmməlləşib ki, geriyə getməyib. Oxuyan, axtaran, inkişaf etmək istəyən adam üçün heç bir çətinlik yoxdur. Problem musiqinin düzgün təbliğindədir. Azərbaycan bəstəkarlarının dünya musiqisinə verdiyi töhfələr çox böyükdür. Azərbaycan peşəkar musiqisinin banisi Üzeyir Hacıbəyov dünyada ilk və yeganə olan “Leyli-Məcnun” muğam-operasını dünyaya bəxş edib. Biz öz dəyərlərimizin düzgün təbliğatını qurmalıyıq. Sənətdə çox səviyyəsiz rəqabətlər var. Sənətdən başqa hər şeyin rəqabətini aparırlar.
- Söhbət estradadan gedir, yoxsa simfonik musiqi sahəsinə də aiddir?
- Daha çox estradada. Ciddi musiqimizdə olan insanlarımız maddi məsələlər üzündən məcbur olub estradaya yönəlirlər. Çünki onların simfonik musiqidəki gözəl yaradıcılığı itir.
- Çünki simfonik musiqiyə yaxşı qonorar verilmir...
- Gəlin pul verilsin deyə, onları təbliğ edək. Hamı öz üzərinə düşəni etsə, belə olmaz. On milyonluq ölkənin bəstəkarlarını dünyanın böyük ölkələrinin sənətçiləri kimi böyük vəsaitlə təmin edə bilmərik. Çünki tamaşaçımız azdır. Türkiyədə bir disk 200-300 min nüsxə buraxılır.
“Məni başa düşən yoxdursa, deməli, təkəm”
Bizdə isə 2000 nüsxə buraxılır, 500-600 disk əlimizdə qalır, hədiyyə edirik. Bu, bazar qanunlarıdır və heç kimi qınamaq olmaz. Təkcə yaxşı musiqilərimiz yox, yaxşı kitablarımız da var. Onları niyə təbliğ etmirik? Amerikada, Avropada kitab yazılır, müəllifi olur milyonçu. Ona görə yox ki, oxumuruq. Vallah, bizim insanlar hamıdan çox oxuyar. Sadəcə, məhsul onun əlinə çatmalıdır. Televiziyalar bu işdə bizə kömək etməlidirlər.
- Bilirsiniz ki, televiziyalar da bunu etmirlər. Və bunu bilə-bilə deyirsiniz...
- Mən nə edə bilərəm? Gücüm ancaq xahiş etməyə çatar. Məsələn, mənim musiqim təbliğ olunmur. Və düşünürəm ki, Gövhər Həsənzadənin təbliği üçün reklama ehtiyac yoxdur. Çünki hərə bir cür məni yadında saxlayıb. Veriliş aparmağa, yaradıcılıq gecəmi keçirməyə ehtiyacım yoxdur. Çünki mən işimin hambalıyam. İşim mahnı yazmaqdırsa, deməli, öz işimlə məşğul olmalıyam. Diş həkimi deyiləm ki, musiqi yazmağımla qürrələnim.
“Veriliş aparmağa, yaradıcılıq gecəmi keçirməyə ehtiyacım yoxdur”
Ədəbiyyatı təbliğ etmək istəyiriksə, bəlkə tender elan olunsun, kiçik hekayələrə filmlər çəkilsin? Və həmin filmlər kanallarda nümayiş olunsun?
- Bu cür düşünəndə heç özünüz-özünüzə demirsiniz ki, çox sadəlövhəm...
- Yox, demirəm, sadəlövh də deyiləm. Bunu hamıya danışmışam, sizə də deyim. Yazmasanız da olar. Samir Cavadzadə “Eurovision” üçün seçim turlarına müəyyən səbəblərdən iştirak edə bilmədi, Elnur Hüseynov yekdilliklə qəbul olundu və ikisindən duet hazırlayıb yarışmada iştirak etdik. Hazırlıq prosesini şəraitsiz studiyada aparırdıq. İşıq yox, hava soyuq, küçədən-svetofordan işıq çəkmişik ki, üç günə mahnını hazırlayıb göndərək. Elnurla Samir ac-susuz oturublar, görürəm, öz aralarında nə isə pıçıldaşırlar. Bu söhbətdən xeyli keçdi. Biz Andorra şəhərində promo-turda olanda qapı döyüldü, girdilər içəri. Samir dedi ki, yadındandır, biz soyuq studiyada oturanda sən əsəbi idin, üstümüzə qışqırdın ki, orda nə qeybət edirsiniz? Bilirsiniz, orda nədən danışırdıq? Samir dedi ki, Elnur, Gövhər xanım dəlidir, anormaldır? Svetofordan çəkilən elektriklə mahnı yazırıq, belə vəziyyətdə, bu şəraitdə biz heç Azərbaycana çıxa bilmərik e, nəinki “Eurovisiona”? Samir də deyib ki, tapşırıqdır, ona görə yerinə yetirir. Amma darıxma, bu dəli qadın nə istəyir, onu da edir. O, bizi “Eurovision”a çıxaracaq. Bu misalı ona görə çəkdim ki, inanmaq, risk etmək, əziyyət çəkmək lazımdır. Onda insan hər şeyə nail olur.
- Birincilikdən sonra ifaçılarımız nəyə görə böyük mənada uğur qazana bilmədilər?
- Birinci olmağımız böyük uğur idi. İlk dəfə “Eurovision”a gedəndə yaxşı mənada hücuma keçmişdik. Ora çox layiqli getmişdik. Həmin əsəri dörd-beş versiyada yaratmışdım. Hansı getsəydi, qəbul olunacaqdı. Biz ora gedəndə müasir Azərbaycanın səsini, nəfəsini aparmışdıq. Demək istəyirdik ki, biz sizdən yaxşı inkişaf etmişik, tariximiz-mədəniyyətimiz sizdən də qədimdir. Sonralar mən bu işə cəlb olunmadım.
- Səbəb nə idi?
- Biz özümüzü layiqincə təmsil etdik. Sonradan Avropa tamaşaçısının SMS-ni yığacağı mahnılar seçdilər. Çünki günün tələbi və tapşırığı başqa idi. Ona görə xarici bəstəkarlarla işlədilər. Mən yenə mahnı yazsaydım, mürəkkəb olacaqdı. Avropa tamaşaçısının zövqü isə tamam başqa idi.
- Musiqi sahəsindəki layihələr böyük pullar tələb edir. Maddi vəziyyətinizlə, planlarınız üst-üstə düşür.
- Planlarımla maddi vəziyyətimin üst-üstə düşməyi üçün onlar bir cığırda görüşməlidirlər. (Gülür). Onlar bir-birini uzaqda-uzağa da görmürlər. Sual verə bilərsiniz ki, haradan qazanıram? Türkiyədə mahnılarım satılır, ifa olunanda faizləri gəlir. Sıxıntım olanda pulu oradan çıxarıram. Azərbaycanda isə o faiz çox cüzidir. İlin axırına 100-120 manat qonorar alıram. Türkiyə vətəndaşı olsaydım, mənim orda çox yaxşı imkanlarım olardı. Şükürlər olsun, Allah mənə istedadla bərabər, gözütoxluq da verib. Şübhəsiz ki, mənim də sıxıntılarım olur. Hətta Türkiyəyə getmək istəyəndə, hesablayıram ki, nə vaxt getmək imkanım olar. Dəbə, brend paltarlara, qonaqlıqlara həvəsim yoxdur, heç vaxt da olmayıb. Ona görə də rahat yaşaya bilirəm. Bir şey ki ayağa geyilir, murdar yerə dəyir, mən ona nəyə görə min manat pul verməliyəm? Bir dəfə evə gec getdim. İtimiz boğaz idi, yemi də qurtarmışdı.
“Brend mağazalarım var idi, onlardan imtina etdim”
Getdim marketə ki, borş üçün sümük satırlar. Dedim, onu çəkin itə aparacağam. Sonra düşündüm ki, Gövhər, sən nə edirsən? İnsanın uşaqlarına yemək üçün aldığını sən itə verirsən? Satıcıya dedim, o sümükləri boşalt yerinə, itə isladıb quru çörək verərəm.
- Sizin doğrudan brend mağazalarınız olub, imtina etmisiniz?
- Bəli. İtaliya brendlərinin satıldığı mağazalarım olub. Sonra imtina etdim. Mağazanın biri Qış Parkına yaxın ərazidə, o biri də bulvar tərəfdə idi. İkincinin heç təmirinə başlamadım. İmkanlı dostlarım demişdilər ki, tanınmış adamsan, dünyanın hər yerində məşhurların brend mağazası olur. Mallar gəldi, cib dəsmalının birini çıxarıb qiymətinə baxmaq istədim. Nə qədər olsa, yaxşıdır? 225 avro. Dəsmalı atdım havaya, əlimdə bir o tərəfə, bir bu tərəfə çevirdim və işçilərə dedim ki, bu nədir ki, qiyməti 225 avro olsun? Zəng vurub dedim, mən belə dəyərlərlə yaşaya bilmirəm. Sən demə, gözləyənlər olub, imtina edən kimi başqası götürdü.
- Gəlin, bir az da ədəbiyyatdan danışaq. Kimləri oxuyursunuz?
- Mən ziyalı ailədə böyümüşəm. Orta məktəbdə, gənclik illərində hansı yazıçılar oxunmalıdırsa, hamısını oxumuşam. Bəlkə sizə gülməli gələcək, amma bir vaxtlar Mopassana aludə olmuşdum. Sonra Artur Konan Doylu çox oxumağa başladım. Bir zamanlar şeirləri çox oxuyurdum, sonra gözümdən düşdü. Son vaxtlar Hind fəlsəfəsi ilə yaxından maraqlanıram, reinkarnasiya, mistika məni özünə çox çəkir. Vaxtilə hamı sevgi romanlarını çox oxuyanda mən onlara həvəs göstərməmişəm. Məsələn, “Yad qızı”, “İtkin gəlin”... həvəsində olmamışam. Cəfər Cabbarlının pyeslərini, “Hophopnamə”ni, “Dəli Kürü, “Böyük dayaq” oxumuşam, çox sevmişəm. Xoşbəxt insanam ki, çox böyük adamların əhatəsində böyümüşəm.
“Hamı sevgi romanlarını oxuyanda, mən həvəs göstərməmişəm”
Mirzə İbrahimov həm qonşumuz idi, həm də dayımın qayınatası. İsmayıl Şıxlı, Əli Vəliyev, Qılman İlkin, Fuad Qasımzadə, Teymur Bünyadov, Maqsud İbrahimbəyov, Eldar Quliyev qonşumuz olub. Dilçi alim Tofiq Hacıyev anamın bibisi oğludur. Fikrət Qocanın qızı Pərvanə əmimin yoldaşıdır. Heyf Yalçından, çox heyf. Onun kimi mərd, gözəl insanın ölümü məni çox sarsıtdı. İndi Elçin Şıxlı ilə çox yaxınam, çox savadlı, dəyərli insandır. Sonra nə danışım? Atam Sudeyf Həsənov Bakı Seysmik İdarəsinin rəisi idi. İxtisası fizik olsa da, ədəbiyyatı, dini, “Quran”ı əzbər bilirdi. Anam Afəridə Həsənova filoloqdur, şairədir. Yəni belə ailədə böyümüşəm. Babalarımdan biri Mərkəzi Komitənin ikinci katibi olub, Mircəfər Bağırovla bir yerdə çalışıb.
- Sonralar Mircəfər Bağırovda nə danışırdı?
- Bağırov haqqında ancaq gözəl şeylər danışırdı.
- Qorxurdu, ona görə?
- Ooo... Babamın qorxusu onun övladlarına da keçmişdi. Camaat rüşvət alanda da bizim qohumlar deyirdilər ki, rüşvət almaq olmaz. Ona görə bir az geri qaldıq. (Gülür). Bir dəfə babam danışırdı ki, Mircəfər Bağırov kolxoz sədrini çağırdı kabinetə, sübut elədi ki, sən sıravi kolxoz işçisinin maaşından 15 qəpik götürmüsən. Sonra bizi yığdı kabinetə, həmin adamı gözümüzün qabağında güllələdi...
Baxış sayı: 1 208
Bölməyə aid digər xəbərlər
17-04-2025, 13:03
Gələn il Ağdama 10 min əhali köçürüləcək - Emin Hüseynov
5-03-2025, 20:07
Könül Nurullayeva: “İdmanın gücü və universallığı əvəzedilməzdir”
1-03-2025, 01:13
Rafael Ağayev: "Zədəli olarkən dünya və Avropa çempionatlarını televiziyadan göz yaşları ilə izləyirdim"
26-02-2025, 19:27
“Gəl anamın pasportunu sənə göstərim, gör ermənidir?”
12-02-2025, 10:45
İlham Əliyev Davosda Çinin CGTN telekanalına müsahibə verib
21-01-2025, 00:27
İlham Əliyev Davosda Çinin CGTN telekanalına müsahibə verib
17-01-2025, 16:11
İlham Əliyev və Baş nazir İrakli Kobaxidze mətbuata bəyanatlarla çıxış ediblər-VİDEO
18-12-2024, 09:28
Əliyev: "Türkiyənin Azərbaycan ərazisində hərbi bazasına ehtiyac yoxdur"
30-11-2024, 15:47
Rəşad Məcid: "Mediada təhsillə bağlı ucuz sensasiya yaratmaq meyilləri var" - MÜSAHİBƏ
19-08-2024, 10:21
“Mən dahi siyasətçi Heydər Əliyevin ideologiyası üzərində böyümüşəm”
15-08-2024, 10:12
Kelin: "Britaniya rus diplomatlarını işə götürməyə çalışdı"
4-08-2024, 11:39
“Şagirdlərimiz son 5 ilin ən yüksək nəticələrini əldə ediblər”
17-04-2024, 23:29
Hikmət Hacıyev: Rusiya sülhməramlılarının Azərbaycan ərazisindən vaxtından əvvəl çıxarılması barədə hər iki ölkənin ali rəhbərliyi tərəfindən qərar qəbul edilib
3-03-2024, 20:10
Kamilə Vəliyeva: "Mən şüurlu şəkildə dopinq qəbul etməmişəm"
16-02-2024, 21:58
Əfsanəvi cüdoçu:"Hər dəfə Bakıya gələndə fərqli hisslər keçirirəm"
15-02-2024, 23:33
“Bu gümüşü qızılla əvəzləmək üçün əlimdən gələni edəcəyəm”
4-01-2024, 19:46
“Bu gün sülh sazişinin mətni üzərində iş birbaşa Bakı ilə İrəvan arasında aparılır”
26-12-2023, 08:48
Prezident Ceyhun Bayramova hansı tapşırığı verib? - Video
13-12-2023, 12:43
"Biz məğlub olmağa layiq deyildik"- "Mançester Yunayted"in baş məşqçisi Ten Haq "Bavariya" ilə oyun haqda danışıb
12-12-2023, 13:20
“Xalqımızın haqqı var ki, bu istintaqın nəticəsi barədə məlumatlı olsun”
3-12-2023, 18:18
Zəngin tərcümeyi halı olan qəhrəman polis polkovniki
19-11-2023, 18:48
Polkovnik Sadir Məmmədov: "İlham Əliyev artıq tarixə düşmüş böyük sərkərdədir"-VİDEO
25-09-2023, 17:10
İlham Əliyev və Prezident Rəcəb Tayyib Ərdoğan mətbuata bəyanatlarla çıxış ediblər
17-08-2023, 00:53
“Nicat güclü şahmatçıdır” - Maqnus Karlsen
2-08-2023, 10:05
“Müharibədə qalib gəlmək siyasi həyatımın missiyası idi” - Prezident
23-06-2023, 21:05
Kamran Əliyev: "Qonşularımız öz təxribatçı fəaliyyətini dayandırmırlar"
17-05-2023, 21:02
Nazirlə jurnalist arasında maraqlı dialoq - Video
16-05-2023, 21:48
Nazirdən “Son zəng”lə bağlı - Açıqlama
13-05-2023, 23:44
“Bakıya qələbə üçün gəlməmişdik” - Şenol Günəş
11-05-2023, 15:28
“Övladlarımın təhsilindən tam razı deyiləm” - Nazir
18-04-2023, 02:13
“Boş vaxtında domino oynayan ən faydalı işçidir” - Yeni nazir+Video
18-04-2023, 01:46
Voleybol Federasiyasının vitse-prezidenti: “İşimiz asan olmayacaq, amma öhdəsindən gələcəyik” - MÜSAHİBƏ
14-03-2023, 08:50
“Prezident dedi ki, çox ürəklə qapıdan kənara çıxıram” - Şahruddinlə videomüsahibə
1-03-2023, 13:59
"Media ilə işgüzar əlaqələr qurmalıyıq” - Kamran Əliyev
5-02-2023, 12:16
“Bığ saxlamaq istəyirdim, yoldaşım icazə vermədi” - Video
3-02-2023, 11:54
Artur Beterbiev: "Nokautlar hakimlərin işini asanlaşdırır"
19-01-2023, 19:51
İlham Əliyev Davosda Çinin CGTN televiziya kanalına müsahibə verib
24-12-2022, 13:32
Fiqurlu konkisürən Medvedeva: Xəyallarınızın adamı etibarlı, dürüst və yaxşı yumor hissi ilə olmalıdır
21-12-2022, 13:00
Psixoloq Ronaldonun Messini 2022 Dünya Kubokunu qazanması münasibətilə niyə təbrik etmədiyini izah etdi
7-12-2022, 22:33
Nyu-Yorkda polis işləyən azərbaycanlı qadın: “Ölkəm üçün hər zaman faydalı olmağa hazıram” - MÜSAHİBƏ + FOTO
4-12-2022, 22:36
Əsgərləri şəhid komandirlərinə ehsan veriblər-VİDEO+FOTOLAR
4-12-2022, 13:30
ABŞ İranla nüvə sazişini müzakirə etmək fikrində deyil
4-12-2022, 13:19
Sankt-Peterburq zavodu plandan artıq gülləkeçirməz jiletlər verir