Bütün xəbərlər
Vaqif Mustafazadənin anadan olmasının 83 illiyinə həsr olunmuş tədbir keçirilib
Tarix: 16-03-2023 23:38 | Bölmə: Mədəniyyət

16 mart 2023-cü il tarixində Vaqif Mustafazadənin Ev Muzeyində bəstəkar, pianoçu, caz muğam üslubunun banisi, Əməkdar artist Vaqif Mustafazadənin anadan olmasının 83 illiyinə həsr olunmuş tədbir keçirilib.
Bu barədə Sabaha-inamla.az-a Azərbaycan Musiqi Mədəniyyəti Dövlət Muzeyindən bildiriblər.
Bildirilib ki, əvvəllcə səhər saatlarında Azərbaycan Musiqi Mədəniyyəti Dövlət Muzeyinin və muzeyin filialı olan Vaqif Mustafazadənin Ev Muzeyinin əməkdaşları Vaqif Mustafazadənin məzarını ziyarət ediblər.
Tədbirdə Azərbaycan Musiqi Mədəniyyəti Dövlət Muzeyinin direktoru, sənətşünaslıq elmləri doktoru, Əməkdar mədəniyyət işçisi Alla Bayramova, Vaqif Mustafazadənin Ev Muzeyinin müdiri Afaq Əliyeva çıxış edərək, caz əfsanəsi - Vaqif Mustafazadənin musiqi tariximizdəki əvəzsiz xidmətlərindən danışıblar.
Tədbir gənc istedadların ifasında Vaqif Mustafazadənin və digər Azərbaycan bəstəkarlarının əsərlərindən ibarət konsert proqramı ilə davam etdirilib.











Baxış sayı: 135


Bölməyə aid digər xəbərlər
23-03-2024, 13:08 Emindən ilk - Reaksiya