Bütün xəbərlər
Qaribaşvili: "Gürcüstan Aİ-yə qəbul olunarsa, xarici agentlər haqqında qanuna yenidən baxılacaq"
Tarix: 20-04-2024 15:56 | Bölmə: Manşet

Gürcüstanın xarici agentlər haqqında qanunu ölkə Avropa Birliyinə qəbul olunarsa, asanlıqla yenidən nəzərdən keçirilə və ya hətta ləğv edilə bilər, hakim “Gürcü Arzusu” partiyasının sədri, keçmiş baş nazir İrakli Qaribaşvili bildirib.
Sabaha-inamla.az rus mətbuatına istinadən xəbər verir ki, siyasətçinin xatırlatdığına görə, 2023-cü ildə Gürcüstan Avropa İttifaqına namizəd statusu alıb, bundan sonra üzvlüklə bağlı danışıqlar başlamalı idi, TASS agentliyi yazır. Lakin Aİ ölkələri Gürcüstanın üzvlüklə bağlı hələlik konsensusa gələ bilməyib.
Xatırladaq ki, Gürcüstan parlamentində “Xarici təsirin şəffaflığı haqqında” qanun layihəsi birinci oxunuşdan keçib. Sənəd müxalifətin narazılığına səbəb olub - aprelin 15-dən 17-dək Tbilisidə polislə toqquşmalarla müşayiət olunan böyük etiraz aksiyaları keçirilib. Daxili İşlər Nazirliyi 40 fəalın saxlanıldığını, əlavə olaraq 5 hüquq-mühafizə orqanının əməkdaşının da yaralandığını bildirir.
Avropa İttifaqı Gürcüstanı bu qanun layihəsini qəbul etməməyə çağırıb. Avropa diplomatiyasının rəhbəri Xosep Borrelin sözlərinə görə, bu sənəd ölkənin Aİ-yə daxil olmasına mənfi təsir göstərə bilər.


Baxış sayı: 126


Bölməyə aid digər xəbərlər