Bütün xəbərlər
Ukrayna milli polisinin rəhbəri vəfat etmiş daxili işlər nazirinin kürsüsünə oturub
Tarix: 18-01-2023 22:44 | Bölmə: Manşet


Ukrayna Nazirlər Kabineti Daxili İşlər Nazirliyinə rəis müavini təyin edib və ona nazir vəzifəsini həvalə edib.

Sabaha-inamla.az rus mətbuatına istinadən xəbər verir ki, nazir kürsüsünə milli polisin rəhbəri İqor Klimenko oturub. Bu barədə Ukraynanın baş naziri Denis Şmıxal Telegram-da yazıb.
Onun sözlərinə görə, yeni daxili işlər nazirinin təyinatı parlamentlə müzakirə olunacaq.
Ukraynanın daxili işlər naziri Denis Monastırski təyyarə qəzasında həlak olub. Yanvarın 18-də səhər saatlarında Kiyev vilayətində Ukrayna Fövqəladə Hallar Xidmətinə məxsus helikopter qəzaya uğrayıb. Təyyarədə Monastırskidən başqa onun birinci müavini Yevgeni Yenin, idarənin dövlət katibi Yuri Lyubkoviç və onların köməkçiləri də olub. Təyyarədə olan 9 nəfərin hamısı həlak olub.
Helikopter yaşayış massivində qəzaya uğrayıb, 4-ü uşaq olmaqla 17 nəfər yerdə həlak olub. 15-i uşaq olmaqla 29 nəfər xəsarət alıb.
Ukrayna prezidentinin ofisindən verilən məlumata görə, təyyarə döyüş bölgəsinə doğru gedirmiş. Qəzaya səbəb kimi təxribat, təhlükəsizlik qaydalarının pozulması və texniki nasazlıqlar göstərilir.


Baxış sayı: 98


Bölməyə aid digər xəbərlər