Vüqar Səfərlinin mənzil vermədiyi jurnalist Universiteti fərqlənmə və Nizami Gəncəvi təqaüdü ilə bitiribmiş
Tarix: 25-06-2021 03:59 | Bölmə: Gündəm


Sabaha-inamla.az xəbər verir ki,  tanınmış jurnalist Sabaha-inamla.az xəbər portalının baş redaktoru Namiq Məmmədli sosial şəbəkədə "Nizami Gəncəvi ili olduğu üçün diplomumu paylaşdım" adlı yazı yazıb.
Baş redaktor yazısında bu sözləri də yazıb:"1994-cü ildə Bakı Dövlət Universitetini fərqlənmə və Nizami Gəncəvi təqaüdü ilə bitirdim. Filoloq, dil-ədəbiyyat müəllimi və tənqiçi ixtisası aldım. 25 ildən artıqdır ki, mətbuatda çalışıram. Uzun illər ölkə Prezidentini, onun xanımı Mehriban Əliyevanı təbliğ etmişəm. Azərbaycan teatrı, musiqisi, muğamı haqqında saysız-hesabsız yazılarım var . 54 yaşıma az qalıb.
Mənzil bölgüsündən öncə telefonda Vüqar Səfərli ilə yüksək tonda danışdım. Dedim ki, eşitmişəm sürücülərə, katibələrə, aidiyyatı olmayan adamlara ev veriləcək. İstəyirəm düzgünlük olsun. Əvvəlcə mənə dedi ki, bu nə tondu mənimlə danışırsan, göstəriş verirsən, mənə ağıl öyrədirsən. Sonda dedi ki, mənzil bölgüsü şəffaf  olacaq.
Bu adam sözünü üstündə durmadı. Dediyim düz sözə görə məni mənzilsiz qoydu.  Üstəlik, Fəxri adsız, işsiz qaldım. Təsəvvür edin ki, 1998-ci ildən kirayələrdə böyüyən uşaqlarımın bu gün 29-27 yaşları var.
Allahdan qorxmaq lazım idi. Təmiz, zəhmətkeş, vicdanlı jurnalistləri evsiz qoyan adamların aqibəti yaxşı olmur...
Sadəcə Nizami Gəncəvi ili olduğu üçün diplomumu paylaşdım. Çox əzab-əziyyətlə bu diplomu, bu adlı təqaüdü almışam".
Sabaha-inamla.az



Baxış sayı: 346


Bölməyə aid digər xəbərlər