Cümə, 18 iyul 2025, 00:58:00  
Son xəbərlər:
Bütün xəbərlər
Hindistanda "Boeing" qəzasından sağ çıxanın görüntüləri yayılıb
Tarix: 12-06-2025 22:30 | Bölmə: Dünya

Hindistanda qəzaya uğrayan təyyarənin sərnişini olduğu güman edilən və təyyarə qəzasından sağ çıxan 40 yaşlı Rameş Vişvaşkumarın görüntüləri internetdə yayılır.
Sabaha-inamla.az rus mətbuatına istinadən xəbər verir ki, Aşkarlanan adam qəza yerinin yaxınlığındakı küçələrdə lentə alınıb. O, özü deyib ki, qəzadan sonra oyananda ətrafda cəsədləri görüb, qorxub, yerindən qalxıb qaçıb, təyyarəyə minmə talonunu əlində saxlayır.
"Hindustan Times" ilə söhbətində həmin şəxs havaya qalxdıqdan 30 saniyə sonra yüksək səsin eşidildiyini və bundan sonra təyyarənin qəzaya uğradığını paylaşıb.
Rameş Vişvaşkumar Britaniya vətəndaşıdır. O, təyyarənin önündə 11-ci sırada oturmuşdu.
Qəzadan sağ çıxan şəxs hazırda xəstəxanadadır.
İyunun 12-də Hindistanın qərbində Air India aviaşirkətinə məxsus "Boeing" 787 Dreamliner sərnişin təyyarəsi qəzaya uğrayıb. Təyyarədə iki pilot və on stüardessa da daxil olmaqla 242 nəfər olub. Son məlumata görə, qəza yerində 204 cəsəd tapılıb.



Baxış sayı: 111


Bölməyə aid digər xəbərlər